თავდაცვის სამინისტროს „არმიჰოლში“ საერთო საჯარისო ცენტრის მანევრის ცენტრის ქვეითი სკოლის უმცროს ოფიცერთა მომზადების კურსის გამოშვების ცერემონია გაიმართა. სამხედრო მოსამსახურეებს კურსის დასრულება საქართველოს თავდაცვის ძალების მეთაურმა მიულოცა.
სიტყვით მიმართვისას გენერალ-მაიორმა გიორგი მათიაშვილმა ყურადღება კურსის მნიშვნელობაზე გაამახვილა და თავდაცვის ძალების განვითარების პროცესში კვალიფიცირებული უმცროსი ოფიცრების როლსა და პასუხისმგებლობაზე ისაუბრა. მოგვიანებით გენერალ-მაიორმა გიორგი მათიაშვილმა თავდაცვის ძალების სხვა ხელმძღვანელ პირებთან ერთად, კურსდამთავრებულებს დიპლომები გადასცა.
უმცროსი ოფიცრის ოცდაშვიდკვირიანი კურსი ოცდაცხრა ლეიტენანტმა დაასრულა. კურსის განმავლობაში მსმენელებმა ქვეითთა საბრძოლო ვარჯიშები, თავდასხმითი, თავდაცვითი და საპატრულო ოპერაციები, სროლის ხელმძღვანელობა შეისწავლეს და თეორიული და პრაქტიკული მეცადინეობების ჩატარების მეთოდიკა-დიდაქტიკას, ასევე, ქვედანაყოფის მართვის პროცედურებსაც გაეცნენ. პირადმა შემადგენლობამ ოცეულის მეთაურის რანგში ოცეულის დონის 4 ოპერატიული ბრძანება დაამუშავა და განახორციელა.
„ქვეითი უმცროს ოფიცერთა მომზადების კურსი“ თავდაცვის ეროვნული აკადემიის ბაზაზე 2001 წელს ჩამოყალიბდა. 2016 წლიდან კურსი საერთო საჯარისო ცენტრს დაექვემდებარა, 2021 წლიდან კი, მანევრის ცენტრის ქვეითი სკოლის შემადგენლობაშია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.