საქართველოს თავდაცვის მინისტრმა ჯუანშერ ბურჭულაძემ საბერძნეთის რესპუბლიკის ახლადდანიშნულ ელჩს, მარია თეოდორუს უმასპინძლა. თავდაცვის მინისტრმა ელჩს თანამდებობაზე დანიშვნა მიულოცა და ორ ქვეყანას შორის მჭიდრო თანამშრომლობის კიდევ უფრო გაღრმავების იმედი გამოთქვა. შეხვედრაზე ჯუანშერ ბურჭულაძემ ხაზი გაუსვა საქართველოსა და საბერძნეთს შორის მეგობრობასა და პარტნიორობას და მადლიერება გამოხატა საქართველოს სუვერენიტეტის, ტერიტორიული მთლიანობისა და ევროატლანტიკური მისწრაფებების მხარდაჭერისთვის.
შეხვედრაზე უკრაინაში მიმდინარე ომზე ისაუბრეს და აღნიშნეს, რომ რუსეთის საომარმა მოქმედებებმა უკრაინის წინააღმდეგ შეცვალა ევროატლანტიკური უსაფრთხოების რეალობა. მხარეებმა ორმხრივი თანამშრომლობის პერსპექტივებიც განიხილეს და ასევე, ნატო-საქართველოს არსებითი პაკეტით (SNGP) გათვალისწინებულ ინიციატივებზე ისაუბრეს. საუბარი შეეხო საბერძნეთის თავდაცვის მინისტრის ვიზიტს საქართველოში, რომელიც ორმხრივი თანამშრომლობის ფორმატში მიმდინარე წელს იგეგმება.
შეხვედრას საბერძნეთის რესპუბლიკის ატაშე, პოლკოვნიკი ვასილიოს ლაგოგიანისი დაესწრო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.