საქართველოს თავდაცვის სამინისტრო საინფორმაციო კამპანიას საკონტრაქტო სამსახურში მოქალაქეების მიღებასთან დაკავშირებით რეგიონებში აგრძელებს. სამხედრო მოსამსახურეებმა ადგილობრივებს საკონტრაქტო სამსახურის პირობები, ასევე თავდაცვის ძალებში პროფესიით დასაქმების შესაძლებლობები გააცნეს. პირისპირ შეხვედრებისას სამხედროებმა მოქალაქეების კითხვებს ამომწურავად უპასუხეს. მათი კითხვები, ძირითადად, თავდაცვის ძალებში მიღების პროცედურებს უკავშირდებოდა.
თავდაცვის უწყების წარმომადგენლებმა აღნიშნეს, რომ 18-35 წლის ჩათვლით საქართველოს მოქალაქეებმა უნდა გაიარონ რეგისტრაცია. ისინი ფსიქოლოგიური ტესტირებისა და სამედიცინო შემოწმების შემდეგ, საწყისი საბრძოლო მომზადების ორთვიან კურსს (BCT) გაივლიან. კურსზე ჩარიცხვის დღიდან რეკრუტები უზრუნველყოფილი იქნებიან კვებით, სამხედრო ფორმით და მაღალი დონის სამედიცინო მომსახურებით. ჯარისკაცებმა მოსახლეობას განუმარტეს, რომ სამსახურში გადანაწილების დროს მაქსიმალურადაა გათვალისწინებული ტერიტორიული პრინციპი.
პოტენციურ რეკრუტებს, ასევე დააინტერესდათ ანაზღაურების თემა, რაზეც აღინიშნა, რომ ამ ეტაპზე მათ თავდაცვის უწყება სთავაზობს რიგითის საწყის ხელფასს 1177 ლარს (ხელზე ასაღები 922 ლარიდან), რაც 2022 წლის ბოლომდე ეტაპობრივად გაიზრდება 1275 ლარამდე (ხელზე ასაღები 1000 ლარიდან). ანაზღაურება იზრდება წოდების, თანამდებობისა და სამხედრო სტაჟის მიხედვით. ასევე, მნიშვნელოვანია, რომ პირველი კონტრაქტის დასრულების შემდეგ, სამხედროები ხელზე აიღებენ ერთჯერად დანამატს - 5 000 ლარს, 2-წლიანი კონტრაქტისას - 3000 ლარს, ხოლო 4-წლიანი კონტრაქტისას - 8 000 ლარს.
გასაუბრებისას მნიშვნელოვანი ადგილი დაეთმო სამხედროების მხარდაჭერას სოციალური კუთხით, ქვედანაყოფებში მათთვის გაუმჯობესებულ პირობებს, ინფრასტრუქტურის, კვების, სამედიცინო და სამართლებრივი მხარდაჭერის, კარიერული განვითარებისა და სამხედრო სამსახურის დასრულების შემდეგაც კი, ჯარისკაცების კონკურენტუნარიანობის საკითხებს.
პირისპირ შეხვედრებისას, განსაკუთრებული ყურადღება დაეთმო საკუთარი პროფესიით თავდაცვის ძალებში დასაქმების თემას. სამხედრო საკონტრაქტო სამსახურში რეგისტრაციის პროცედურები მაქსიმალურად გამარტივებულია. რეგისტრაცია მთელი წლის განმავლობაში შესაძლებელია ონლაინ - Onlinebct.mod.gov.ge; ასევე, ქვეყნის მასშტაბით სხვადასხვა ქალაქში - თბილისი, გორი, ქუთაისი, სენაკი, ბათუმი და თელავი, იუსტიციის სახლებსა და რეკრუტირების მობილურ მანქანაში. საკონტრაქტო სამხედრო სამსახურისა და თავდაცვის ძალებში პროფესიით დასაქმების შესახებ საინფორმაციო კამპანია ქვეყნის მასშტაბით ორი კვირის განმავლობაში გაგრძელდება.
ინფორმაციას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.