„ტელეკომპანია „იმედის“ საინფორმაციო გადაცემა „ქრონიკისთვის“ მიცემულ ინტერვიუში საქართველოს თავდაცვის მინისტრმა უკრაინაში რუსეთის მიერ განხორციელებული აგრესიის ფონზე, რეგიონსა და საქართველოში არსებულ საფრთხეებსა და გამოწვევებზე ისაუბრა. ჯუანშერ ბურჭულაძის განცხადებით, რუსეთ-უკრაინის ომმა საფრთხეების ინტენსივობა გაზარდა და რეგიონში უსაფრთხოების გარემოს პრობლემები უფრო აქტუალური გახადა.
მინისტრმა აღნიშნა, რომ ოკუპაციისა და უკრაინაში განვითარებული მოვლენების ფონზე, საქართველოს თავდაცვისუნარიანობის ამაღლება ძალიან მნიშვნელოვანია: „ჩვენ ვცხოვრობთ ოკუპაციის პირობებში, ურთულეს რეგიონში ურთულესი გამოწვევების წინაშე. უკრაინის ომმა ეს გამოწვევები კიდევ უფრო აქტუალურ ფაზაში გადაიყვანა. გააქტიურებულია ის გამოწვევები, რომელიც საქართველოს წინაშე ათეულობით წლების განმავლობაში არსებობდა და ჩვენ რა თქმა უნდა, ამ გამოწვევებს უნდა შევხვდეთ ახალი მზადყოფნითა და ახალი პასუხებით“.
თავდაცვის მინისტრმა კიდევ ერთხელ დაადასტურა საქართველოს მზაობა, გახდეს იმ ცივილური სამყაროს ნაწილი, რომელიც ქართველ ხალხს აქვს არჩეული. მზადყოფნის დონისა და ქვეყნის თავდაცვისუნარიანობის ამაღლების პროცესში, მინისტრმა ევროატლანტიკურ სტრუქტურებთან, საერთაშორისო პარტნიორებთან პრაქტიკული თანამშრომლობასა და მათ მხარდაჭერაზე გაამახვილა ყურადღება და უკანასკნელ პერიოდში ამ კუთხით თავდაცვის უწყების მიერ გადადგმულ მნიშვნელოვან ნაბიჯებზე ისაუბრა.
„თავდაცვის ძალები ჩვენი ქვეყნის უსაფრთხოების ქვაკუთხედია. ინსტიტუციური განვითარების თვალსაზრისით ძალიან დიდი ნაბიჯები გადავდგით. პარტნიორებთან ერთად ისეთი ინსტიტუციური სისტემა ჩამოვაყალიბეთ, რომელზეც ჩვენი უსაფრთხოების, ჩვენი ჯარის განვითარების მომავალი უნდა დაშენდეს“, - განაცხადა ჯუანშერ ბურჭულაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.