GUARDIAN.GE - ცხრამეტი მცირეწლოვანი ბავშვი და ორი ზრდასრული ადამიანი დაიღუპა სამხრეთ ტეხასის დაწყებით სკოლაში სროლებისას, 13 ბავშვი საავადმყოფოშია გადაყვანილი, სან ანტონიოს საავადმყოფოში მოთავსებული 66 წლის ქალი და 10 წლის გოგონა კრიტიკულ მდგომარეობაში იმყოფება.
მედიის ცნობით, ქალაქ უვალდეში რობის დაწყებით სკოლაში ცეცხლი 18 წლის შეიარღებულმა პირმა ნახევრად ავტომატური შაშხანით გახსნა. იგი სამართალდამცველებმა ადგილზევე მოკლეს. სროლები ადგილობრივი დროით 11:32 საათზე დაიწყო. მოზარდი ეჭვმიტანილია არეულობის დაწყებისას ბებიისთვის სროლაში. ადგილობრივი მედიის ცნობით, ახალგაზრდა შესაძლოა, მიმდებარე საჯარო სკოლის სტუდენტი ყოფილიყო.
ტეხასის გუბერნატორმა, გრეგ ებოტმა განაცხადა, რომ მსროლელმა, სალვადორ რამოსმა, სკოლაში შესვლამდე სატრანსპორტო საშუალება მიატოვა და ცეცხლი გახსნა. მოკლულთაგან ერთ-ერთი, პედაგოგია, ევა მირელესი.
თითქმის 500 მოსწავლე ირიცხება უპირატესად ესპანურ სკოლაში, რომელიც დაახლოებით 135 კილომეტრით არის დაცილებული ქალაქ სან ანტონიოდან. სკოლაში 7-დან 10 წლამდე ბავშვები სწავლობენ.
Associated Press-ის საინფორმაციო სააგენტო იტყობინება, რომ აშშ-ის სასაზღვრო პატრულის თანამშრომელი, რომელიც სროლების დაწყებისას იქვე იმყოფებოდა, სკოლაში შევარდა, ესროლა და მოკლა შეიარაღებული მამაკაცი, რომელიც ბარიკადის მიღმა იდგა.
გავრცელებული ინფორმაციით, ცეცხლსასროლი იარაღიდან მოზარდმა ორ მესაზღვრე აგენტს ესროლა. ოფიციალური პირების თქმით, ერთ აგენტს თავში ესროლეს. ორივე ახლა საავადმყოფოში იმყოფება და მათი ჯანმრთელობის მდგომარეობა სტაბილურია.
CBS News-ის ცნობით, თავდამსხმელს თავდასხმის დროს ჯავშანი ეცვა. კიდევ ერთ 18 წლის ახალგაზრდას, რომელიც ეჭვმიტანილია 14 მაისს, ბუფალოში, ნიუ-იორკში, სასურსათო მაღაზიაზე თავდასხმაში, ასევე ჯავშანი ეცვა და ატარებდა ნახევრად ავტომატურ შაშხანას - ორივე კომერციულად ხელმისაწვდომია აშშ-ში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.