განახლებული ნატო-საქართველოს არსებითი პაკეტის (Refreshed SNGP) ფარგლებში საქართველოს თავდაცვის ძალებში სამხედრო სამედიცინო შესაძლებლობების განვითარების ინიციატივა წარმატებით ხორციელდება.
სამხედრო სამედიცინო შესაძლებლობების გაძლიერების გზებისა და სამომავლო გეგმების განხილვის მიზნით საქართველოს მრავალეროვნული სამედიცინო საკოორდინაციო ცენტრის დირექტორი ესტუმრა. ბრიგადის გენერალ სტეფან კოვიტცს გენერალურ შტაბში თავდაცვის ძალების მეთაურმა, გენერალ-მაიორმა გიორგი მათიაშვილმა უმასპინძლა.
ვიზიტის ფარგლებში გენერალი სტეფან კოვიტცი თავდაცვის მინისტრის პირველ მოადგილეს ლელა ჩიქოვანს, თავდაცვის ძალების მეთაურის მოადგილეს, ბრიგადის გენერალ ირაკლი ჭიჭინაძეს, ეროვნული გვარდიის მეთაურს, ბრიგადის გენერალ რომან ჯოხაძესა და სამედიცინო დეპარტამენტის უფროსს, პოლკოვნიკ ავთანდილ აბაშიძეს შეხვდა. მხარეებმა საქართველოს თავდაცვის ძალების სამხედრო სამედიცინო შესაძლებლობების გაძლიერების კუთხით ბოლო ერთი წლის განმავლობაში მიღწეული შედეგები შეაფასეს და ყურადღება სამხედრო სამედიცინო სფეროში ევროკავშირთან თანამშრომლობის საკითხებზე გაამახვილეს.
გენერალი სტეფან კოვიტცი ვაზიანში, მე-4 ქვეით ბრიგადაშიც იმყოფებოდა, სადაც სამხედრო სამედიცინო ინფრასტრუქტურას გაეცნო. გერმანელი გენერალი ნატო-საქართველოს არსებითი პაკეტის (SNGP) ფარგლებში სამხედრო სამედიცინო შესაძლებლობების განვითარების ინიციატივას ხელმძღვანელობს და საქართველოს მეოთხედ სტუმრობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.