საქართველოს თავდაცვის ძალების მეთაურის მოადგილე, გენერალური შტაბის უფროსი ვიზიტად დიდი ბრიტანეთისა და ჩრდილოეთ ირლანდიის გაერთიანებულ სამეფოში იმყოფებოდა. ბრიგადის გენერალი ჯონი ტატუნაშვილი უსაფრთხოების კვლევების გაერთიანებული სამსახურების სამეფო ინსტიტუტის - RUSI-ს მიერ ორგანიზებულ „სახმელეთო ომის კონფერენციას“ დაესწრო. კონფერენციაზე თავდაცვისა და უსაფრთხოების სფეროში არსებული გამოწვევები და სამომავლო შესაძლებლობები განიხილეს.
ვიზიტის ფარგლებში საქართველოს თავდაცვის ძალების მეთაურის მოადგილეს გაერთიანებული სამეფოს შეიარაღებული ძალების გენერალური შტაბის უფროსმა, გენერალმა პატრიკ სანდერსმა უმასპინძლა. შეხვედრაზე საუბარი შეეხო რეგიონში არსებულ ვითარებასა და უსაფრთხოების გამოწვევებს. მხარეებმა თავდაცვის სფეროში ორმხრივი თანამშრომლობის საკითხებიც განიხილეს. ყურადღება გამახვილდა თავდაცვის ძალების შესაძლებლობების გაძლიერების პრიორიტეტულ მიმართულებებზე, რეზერვისა და მობილიზაციის სისტემის განვითარების გეგმებსა და საერთაშორისო სწავლებების მნიშვნელობაზე.
ბრიგადის გენერალმა ჯონი ტატუნაშვილმა გენერალ პატრიკ სანდერსს მადლობა გადაუხადა სხვადასხვა მიმართულებით მხარდაჭერისთვის, მათ შორის კიბერუსაფრთხოების სფეროს განვითარებაში გაწეული დახმარებისთვის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.