საქართველოს თავდაცვის ძალები 18 ივლისს საერთო საჯარისო ცენტრის დღეს აღნიშნავს.
საზეიმო ღონისძიება წვრთნებისა და სამხედრო განათლების მხარდამჭერი ცენტრი „კრწანისის”
ტერიტორიაზე ჩატარდა. ღონისძიებას თავდაცვის ძალების წვრთნებისა და სამხედრო
განათლების სარდალი, პოლკოვნიკი ზურაბ ხვიჩია დაესწრო. მან სამხედროებს სიტყვით
მიმართა, საჯარისო ცენტრის დღე მიულოცა და წარმატებები უსურვა. წარმატებულ სამხედრო
მოსამსახურეებს უწყებრივი მედლები და სამახსოვრო საჩუქრები გადაეცათ.
საერთო საჯარისო ცენტრი სასწავლო ცენტრი ,,კრწანისის“ ბაზაზე 2016 წელს შეიქმნა. საერთო
საჯარისო ცენტრის ამოცანაა თავდაცვის ძალების ოფიცერთა და სერჟანტ-კაპრალთა მომზადება
და გადამზადება ძირითადი სამხედრო სააღრიცხვო სპეციალობების მიხედვით და ტაქტიკური
და ტექნიკური დოქტრინების შემუშავების მხარდაჭერა. საერთო საჯარისო ცენტრი
ორიენტირებულია გვარეობების მიხედვით სპეციალისტების, სერჟანტებისა და ოფიცრების
მომზადებაზე. ცენტრი უზრუნველყოფს სერჟანტთა სპეციალიზაციის სამხედრო პროფესიული
განათლების I და II საფეხურებს; ოფიცრებისათვის ახორციელებს უმცროს ოფიცერთა
მომზადების და კაპიტნის საკარიერო კურსის საგანმანათლებლო პროგრამებს. აღნიშნულ
სტრუქტურულ ერთეულებში ხორციელდება 130-ზე მეტი სამხედრო საგანმანათლებლო
პროგრამა. საერთო საჯარისო ცენტრი აქტიურად არის ჩართული ეროვნულ და საერთაშორისო
სწავლებებში. ცენტრის პირადი შემადგენლობა მონაწილეობს როგორც უწყებათაშორის, ასევე
საერთაშორისო სწავლებებში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.