საქართველოს თავდაცვის სამინისტროს თავდაცვის ინსტიტუციური აღმშენებლობის სკოლაში
შიდა აუდიტის ტრენინგი დაიწყო. ტრენინგების სერიის მე-8 ეტაპი თავდაცვის მინისტრის
მოადგილემ გრიგოლ გიორგაძემ და ნატოს სამეკავშირეო ოფისის დირექტორმა ალექსანდრე
ვინიკოვმა ოფიციალურად გახსნეს.
სწავლებაში 22 სხვადასხვა საჯარო უწყების 30 შიდა აუდიტორი მონაწილეობს. მათ ოთხდღიანი
კურსის ფარგლებში ბრიტანელი ექსპერტი ჯონ ჩეშიერი „პერსონალის ჯანმრთელობისა და
კეთილდღეობის აუდიტის“, ასევე „საინფორმაციო ტექნოლოგიების აუდიტის“ საკითხებს
გააცნობს.
კურსი საჯარო სექტორში ფუნქციურად ძლიერი შიდა აუდიტის სამსახურების ჩამოყალიბებასა
და აუდიტის საქმიანობის საერთაშორისო სტანდარტებთან შესაბამისობის უზრუნველყოფას
ისახავს მიზნად. ტრენინგი თავდაცვის სამინისტროს შიდა აუდიტის დეპარტამენტის
ინიციატივით, ნატო-საქართველოს კეთილსინდისიერების ამაღლების (BI) პროგრამის
მხარდაჭერითა და საქართველოს ფინანსთა სამინისტროს ჰარმონიზაციის ცენტრთან
კოორდინაციით ტარდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.