დიდი ბრიტანეთის დედოფალი ელისაბედ მეორე 96 წლის ასაკში გარდაიცვალა. დღეს, დღის პირველ ნახევარში ბუკინგემის სასახლემ გამოაქვეყნა განცხადება იმის შესახებ, რომ ექიმები დედოფლის ჯანმრთელობის მდგომარეობის გამო შეშფოთებას გამოთქვამდნენ.
დედოფლის ოჯახი შოტლანდიაში, ბალმორალის სასახლეში გაემგზავრა, რათა მონარქის გვერდით ყოფილიყო.
ბოლო წლის განმავლობაში დედოფალს გადაადგილება უჭირდა.
დედოფალი ტახტზე 1952 წლის 6 თებერვალს, 25 წლისა ავიდა. ის მსოფლიოს ისტორიაში უხუცესი მონარქი იყო და ბრიტანეთის ტახტზე ყველაზე მეტი დრო, 70 წელი გაატარა.
დედოფალ ელისაბედ მეორეს გარდაცვალების შემდეგ, გაერთიანებული სამეფოს მონარქი უელსის ყოფილი პრინცი, 73 წლის ჩარლზი გახდა, რომელიც მეფე ჩარლზ III-ედ იქნება წოდებული.
ჩარლზს უკვე ჰქონდა გადაბარებული დედოფლის მოვალეობების ნაწილი, რადგან ელისაბედ მეორეს ჯანმრთელობის მდგომაროება ზოგიერთ საჯარო ღონისძიებაზე დასწრების საშუალებას არ აძლევდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.