საქართველოს თავდაცვის მინისტრმა ჯუანშერ ბურჭულაძემ თავდაცვის სამინისტროს
პრიორიტეტებზე ისაუბრა ტელეკომპანია "იმედის" გადაცემა "იმედი live"-ის ეთერში.
ჯუანშერ ბურჭულაძის განცხადებით, თავდაცვის სამინისტროს დამატებითი ბიუჯეტი და
ასიგნებებიც პროპორციულად მიმართული იქნება როგორც სამხედრო მოსამსახურის
სოციალური პირობების გაუმჯობესებაზე, ასევე თავდაცვითი შესაძლებლობების
გაუმჯობესებაზე. თავდაცვის მინისტრმა უწყების პრიორიტეტებზეც ისაუბრა და აღნიშნა,
რომ საქართველოში დაფუძნებული კომპანია ნატოს სტანდარტის ტიპის შაშხანებს
აწარმოებს.
მან, ასევე, ყურადღება გაამახვილა პოლონელებთან ერთად დაფუძნებულ საწარმოზე,
რომელიც დრონებზე იმუშავებს. ჯუანშერ ბურჭულაძემ განაცხადა, რომ ავიაციის აღდგენის
პროცესი გაგრძელდება.
„მივყვებით ამბიციურ გეგმას, რაც დავისახეთ ჩვენს ავიაციაში. ყველა ეტაპი წინსწრებით
გვაქვს განხორციელებული და ჩვენი ავიაციის აღდგენა გაგრძელდება", - განაცხადა მან.
ჯუანშერ ბურჭულაძემ განმარტა, რომ მანიპულირება, თითქოს, 18 მილიონით შევამცირეთ
ავიაციის ხარჯები, სიმართლეს არ შეესაბამება.
თავდაცვის მინისტრის თქმით, თავდაცვის სამინისტროს ათწლიან გეგმაში ერთ-ერთ
მთავარ პრიორიტეტად განსაზღვრულია საჰაერო თავდაცვა და ამ მიმართულებით არაერთი
პროექტი ხორციელდება. ჯუანშერ ბურჭულაძემ აღნიშნა, რომ იგეგმება შესყიდვები, რაც
კიდევ უფრო განავითარებს ამ მიმართულებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.