ადვოკატი, "ერთიანი ნაციონალური მოძრაობის" პოლიტიკური საბჭოს წევრი ზაზა ბიბილაშვილი ვარდების რევოლუციის 12 წლისთავის შესახებ Facebook -ის საკუთარ გვერდზე წერს. ბიბილაშვილს მიაჩნია, რომ 2004-2012 წლები ყველაზე წარმატებული 9-წლიანი პერიოდი იყო "საქართველოს დოკუმენტირებულ (არამითოლოგიურ) ისტორიაში".
"მეგობრებო, გილოცავთ გიორგობას და ვარდების რევოლუციის 12 წლისთავს! 2003 წლის 23 ნოემბერი არის ერთ-ერთი ყველაზე ნათელი თარიღი ჩემს მეხსიერებაში - დღე, რომელმაც დასაბამი მისცა ნებისმიერი ობიექტური, გაზომვადი კრიტერიუმით ყველაზე წარმატებული 9-წლიან პერიოდს საქართველოს დოკუმენტირებულ (არამითოლოგიურ) ისტორიაში.
არასდროს საქართველო არ ყოფილა ისეთი ცნობილი, მნიშვნელოვანი და სამაგალითო დანარჩენი მსოფლიოსთვის, როგორც მაშინ. არასდროს წესიერი, კანონმორჩილი მოქალაქე არ ცხოვრობდა იმაზე ღირსეულად, სამართლიანად და უსაფრთხოდ, იმაზე დაცულად კრიმინალისა და მექრთამეებისგან, არასდროს მას არ ჰქონია განვითარების იმდენი საშუალება წარმოშობისა თუ სოციალური სტატუსის მიუხედავად, არასდროს მას არ უვლია ისე ამაყად იმის გამო, რომ ამ ქვეყნის - ამ სახელმწიფოს - მოქალაქეა, როგორც 2004-2012 წლებში.
ბევრზე უკეთ ვიცი (კონკრეტული მაგალითებით), რომ იმ წლებში უამრავი ცუდიც ხდებოდა. ოღონდ ის "ცუდი" 2003 წლამდეც ხდებოდა (გაცილებით დიდი დოზით) და ახლაც ხდება (2012 წლის მერე). აი, "კარგი" კი მართლაც უნიკალური იყო. ასე რომ, ნუ დანებდებით რუსულ პროპაგანდას. თუ რომელიმე ბნელქოცი ან "მე არც ესენი მომწონს" კეკლუცი ქოცი ირონიულ გაღიმებას დააპირებს, თხოვეთ, დაგისახელოთ, კონკრეტულად როდის ვცხოვრობდით უკეთ. მერწმუნეთ, ვერ დაგისახელებთ", წერს ზაზა ბიბილაშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.