საქართველოს თავდაცვის მინისტრმა, ტელეკომპანია „იმედის“ ეთერში, უწყების
სამომავლო გეგმებზე საუბრისას აღნიშნა, რომ ჯარისკაცების ბინებით
უზრუნველყოფა გაგრძელდება და პროექტი უფრო მასშტაბურ სახეს მიიღებს: „
ვფიქრობთ, რომ პროგრამა უფრო ფართო წრის შემადგენლობაზე გავრცელდება,
სავარაუდოდ, მას სხვა კრიტერიუმითაც განვავრცობთ. ანალოგიურ პროექტს
დავიწყებთ უახლოეს წლებში და დაახლოებით იმავე რაოდენობის სამხედრო
მოსამსახურეს დავაკმაყოფილებთ“. ამჟამად მახათას მთაზე „ჯარის ქალაქის“
მშენებლობა დასკვნით ეტაპზეა, პროექტი წარმატებით ხორციელდება და
საცხოვრებელი ბინები ოფიცრებს წლის ბოლომდე გადაეცემათ. „ჯარის ქალაქში“ 115
000 კვადრატული მეტრის ფართობზე, 39 კორპუსის მშენებლობა სწრაფი ტემპითა და
მაღალი ხარისხით შესრულდა. საქართველოს თავდაცვის ძალების სამხედრო
მოსამსახურეებს კვადრატულ მეტრში მხოლოდ 100 დოლარის გადახდა უწევთ.
სამხედრო მოსამსახურეების დაფასება და მათთვის სათანადო სოციალური პირობების
შექმნა თავდაცვის უწყების ერთ-ერთ პრიორიტეტად რჩება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.