საქართველოს თავდაცვის მინისტრმა „ინტერმარიუმ კიბერუსაფრთხოების ფორუმი 2022“
გახსნა. ჯუანშერ ბურჭულაძემ, თანამედროვე გამოწვევების ფონზე, კიბერუსაფრთხოების
სფეროში საერთაშორისო პარტნიორებთან თანამშრომლობის მნიშვნელობაზე ისაუბრა. მისი
განცხადებით, კიბერუსაფრთხოების სფეროს კიდევ უფრო განვითარება საქართველოს
თავდაცვის სამინისტროს ერთ-ერთ მნიშვნელოვან პრიორიტეტს წარმოადგენს.
თავდაცვის მინისტრმა აღნიშნა, რომ საქართველო, როგორც ევროპული უსაფრთხოების
არქიტექტურის ნაწილი, კიბერუსაფრთხოების კუთხით ევროკავშირსა და ნატოში არსებულ
საუკეთესო პრაქტიკას იზიარებს. მან „ინტერმარიუმ კიბერუსაფრთხოების ფორუმი“ რეგიონულ
პლატფორმად განიხილა, მისი გაფართოების შესახებ ისაუბრა, ასევე ღონისძიების ორგანიზების
საქმეში ევროკავშირისა და ნატოს მხარდაჭერა ხაზგასმით აღნიშნა.
ფორუმის მონაწილეებს სიტყვით მიმართეს კიბერუსაფრთხოების ბიუროს დირექტორმა, ლუკა
მგელაძემ და ევროკავშირის დელეგაციის ხელმძღვანელის მოადგილემ ასუნსიონ სანჩეს
რუისმა.
ორდღიან საერთაშორისო ფორუმზე ნატოსა და ევროკავშირის წევრი და პარტნიორი ქვეყნების
წარმომადგენლები კიბერსაფრთხეებზე, თანამედროვე კონფლიქტების კიბერგანზომილებაზე,
ეროვნულ კიბერმდგრადობაზე, კიბერუსაფრთხოების განმტკიცების საკითხებზე და ამ
სფეროში საერთაშორისო თანამშრომლობის გაძლიერების მნიშვნელობაზე იმსჯელებენ.
ღონისძიება პარტნიორ ქვეყნებს შორის კიბერუსაფრთხოების მიმართულებით
თანამშრომლობის გაღრმავებასა და გამოცდილების გაზიარებას ისახავს მიზნად. თავდაცვის
სამინისტროს კიბერუსაფრთხოების ბიუროს ორგანიზებით, ნატო-საქართველოს არსებითი
პაკეტის ფარგლებში, საქართველო ფორუმს უკვე მესამე წელია მასპინძლობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.