გადაცემაში „თავისუფალი ხედვა“ თავდაცვის მინისტრმა ჯარის პოპულარიზაციის,
წვევამდელებისა და რეზერვის სისტემასა და უწყების პრიორიტეტებზე საუბრისას,
პატრიოტიზმის ცნებასა და პატრიოტულ სულისკვეთებასთან დასმულ კითხვებსაც უპასუხა.
თავდაცვის მინისტრის შეფასებით, თანამედროვე, გლობალიზაციისა და მატერიალიზმით
აღსავსე სამყაროში, პატრიოტიზმის აღქმა და შეფასებაც განსხვავებულია: „იდეალიზმი,
სამწუხაროდ, უკანა ფონზე გადადის, ამაში ტექნოლოგიებიც გარკვეულ როლს ასრულებს,
თუმცა ამ შემთხვევაში ჩვენი მიზანი უნდა იყოს, რომ კარგად გავიაზროთ პატრიოტიზმის
ცნება, კულტურა. როდესაც გავიაზრებთ, შევიყვარებთ კიდეც. შესაბამისად, მთელი
საზოგადოება უნდა იყოს ჩართული, რომ ჩვენ მივიღოთ თაობა, რომელიც იქნება პატრიოტული
გრძნობებით აღჭურვილი. ეს გლობალური თემაა, რაშიც თითოეულმა ჩვენგანმა უნდა მიიღოს
მონაწილეობა“, - განაცხადა ჯუანშერ ბურჭულაძემ და განმარტა რომ ამ პროცესში
ავტორიტეტული ინსტიტუციები მნიშვნელოვან როლს ასრულებენ, ამიტომ მათი
დისკრედიტაცია მთლიანად პროცესს აზიანებს. მსგავსი ინსტუტუციების პატივისცემა,
ავტორიტეტული ინსტიტუციების შექმნა მომავალ თაობასა და საზოგადოებრივი აზრის
ჩამოყალიბებაზე დადებით გავლენას მოახდენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.