ახალგაზრდა თაობაში ქართული ჯარის შესახებ ცნობიერების ამაღლებისა და პატრიოტული
სულისკვეთების გაღრმავების მიზნით განახლებული პროექტი „ჩვენი ჯარი“ საქართველოს
მასშტაბით საჯარო სკოლებში აქტიურად მიმდინარეობს. სამხედრო მოსამსახურეებთან ერთად
სკოლებს თავდაცვის სამინისტროსა და თავდაცვის ძალების წარმომადგენლები სტუმრობენ და
მაღალი კლასის მოსწავლეებს საქართველოს თავდაცვის ძალებს აცნობენ.
„ჩვენი ჯარის“ პროექტის ფარგლებში ტყიბულის №1 საჯარო სკოლას საქართველოს თავდაცვის
ძალების მეთაურის თანაშემწე, ვიცე-პოლკოვნიკი მამუკა მესხი ესტუმრა. მშობლიურ სკოლაში
მან მოსწავლეებთან ქვეყნისთვის ჯარის მნიშვნელობისა და ჯარისკაცის მუნდირის ღირსების
შესახებ ისაუბრა. III ქვეითი ბრიგადის საინჟინრო ასეულის სერჟანტმა მამუკა კაპანაძემ და
ჰაერსაწინააღმდეგო ასეულის კაპრალმა გაგა ხუბუკელაშვილმა კი, ახალგაზრდებს „ჩვენი
ჯარის“ შესახებ პრეზენტაცია წარუდგინეს და თემატური ვიდეორგოლები უჩვენეს.
უფროსკლასელებთან შეხვედრა ინტერაქტიულ რეჟიმში წარიმართა. მოსწავლეებმა სამხედრო
ბაზებზე სტუმრობისა და სამხედროებთან შეხვედრის, ბევრმა მათგანმა კი - ქართულ ჯარში
მსახურის სურვილიც გამოთქვა.
პროექტს „ჩვენი ჯარი“ საქართველოს თავდაცვის სამინისტრო განათლებისა და მეცნიერების
სამინისტროსთან ერთად ახორციელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.