თბილისის სახელმწიფო უნივერსიტეტში დეკანოზ ბესარიონ ნიჟარაძის დაბადებიდან 170 წლისადმი მიძღვნილი სამეცნიერო კონფერენცია გაიმართა.
კონფერენციის თემატიკა ორ ნაწილად იყო დაყოფილი. ღონისძიების პირველი ნაწილი ეხებოდა ბესარიონ ნიჟარაძის გახსენებას, სადაც მისასალმებელი სიტყვით აუდიტორიის წინაშე წარსდგნენ საქართველოს კულტურის, სპორტისა და ახალგაზრდობის მინისტრი, ვიცე-პრემიერი, თეა წულუკიანი, თსუ რექტორის მოვალეობის შემსრულებელი, ჯაბა სამუშია, განათლებისა და მეცნიერების მინისტრის მოადგილე, ნუნუ მიცკევიჩი, მესტიის მუნიციპალიტეტის მერის მრჩეველი კულტურისა და სოციალურ საკითხებში, ლევან კიკვიძე და საქართველოს პარლამენტის წევრი, ლევან იოსელიანი.
კონფერენციის მეორე ეტაპზე, რომელიც სვანეთის ისტორიულ, ლინგვისტურ და ეთნოგრაფიულ საკითხებს შეეხებოდა, სხვა მომხსენებლებთან ერთად, აუდიტორიის წინაშე წარსდგა მესტიის მუნიციპალიტეტის მერის მრჩეველი კულტურისა და სოციალურ საკითხებში, სამეცნიერო თემით "მედიაციის ინსტიტუტი სვანეთის ტრადიციულ ყოფაში".
ღონისძიება მოიცავდა ბესარიონ ნიჟარაძის ფოტოების გამოფენას და მისი ერთ-ერთი ორგანიზატორი გახლდათ უნივერსიტეტის პროფესორი, როზეტა გუჯეჯიანი.
მესტიის და ზემო სვანეთის მიტროპოლიტის ლოცვა-კურთხევით, კონფერენციაში მონაწილეობა იღუმენმა პეტრემ მიიღო.
აუდიტორიის წინაშე წარსდგა მესტიის მუნიციპალიტეტის ფოლკლორული ანსამბლი "რიჰო".
ბესარიონ ნიჟარაძე მე-19 საუკუნის მიწურულისა და მე-20 საუკუნის დასაწყისის საზოგადო მოღვაწეა (1852-1919). სასულიერო მოღვაწეობის გარდა იგი აქტიურად თანამშრომლობდა იმდროინდელ ჟურნალ-გაზეთებთან და აქვეყნებდა სტატიებს თავისუფალი სვანის, ბესარიონ სვანისა და სვანის ფსევდონიმებით.
ინფორმაციას მესტიის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.