GUARDIAN.GE - რომის ყოფილი პაპი ბენედიქტ XVI თავის ვატიკანის რეზიდენციაში, 95 წლის ასაკში გარდაიცვალა, თითქმის ათი წლის შემდეგ, რაც მან ჯანმრთელობის პრობლემების გამო პაპობაზე უარი თქვა. ის კათოლიკურ ეკლესიას რვა წელზე ნაკლები ხნის განმავლობაში ედგა სათავეში, ვიდრე 2013 წელს გადადგებოდა, რითაც მე-15 საუკუნის შემდეგ რომის პირველი პაპი გახდა, რომელმაც მოვალეობის შესრულებაზე თავისი ნებით თქვა უარი. მანამდე, 1415 წელს, გრიგოლ XII გადადგა პაპის პოსტიდან.
ბენედიქტმა თავისი უკანასკნელი წლები ვატიკანის კედლებში მდებარე მონასტერში, Mater Ecclesiae გაატარა. მისმა მემკვიდრემ, პაპმა ფრანცისკემ განაცხადა, რომ მას ხშირად სტუმრობდა. ვატიკანის განცხადებაში ნათქვამია: „მწუხარებით გაცნობებთ, რომ პაპი ემერიტუსი, ბენედიქტ XVI, დღეს, 9:34 საათზე, ვატიკანში, Mater Ecclesiae მონასტერში გარდაიცვალა. ვატიკანმა განაცხადა, რომ პაპი ემერიტუსის ცხედარი 2 იანვრიდან წმინდა პეტრეს ბაზილიკაში იქნება დასვენებული და მორწმუნეებს პატივის მიგება შეეძლებათ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.