უკრაინულ მედიაში ვრცელდება ინფორმაცია ვიქტორ იანუკოვიჩის პრეზიდენტობიდან გადადგომის შესახებ. ინფორმაცია სულ ცოტა ხნის წინათ "ესპრესო ტვ"-ზე გავრცელდა.
ვიქტორ იანუკოვიჩის გადადგომას რადას დეპუტატებიც, იური მიროშნიჩენკო და ოლეგ ტიაგნიბოკოც ადასტურებენ. ამ უკანასკნელმა, იანუკოვიჩის თანამდებობიდან წასვლის თაობაზე სოციალურ ქსელ "თვითერზე" დაწერა.
ვარაუდობენ, რომ ვიქტორ იანუკოვიჩის გადადგომის შესახებ ინფორმაცია პრეზიდენტის ოფიციალურ ვებგვერდზეც ცოტა ხანში გამოქვეყნდება.
როგორც ცნობილია, ვიქტორ იანუკოვიჩმა კიევი გუშინ დატოვა. პრეზიდენტის მრჩეველმა, ანა გერმანმა განაცხადა, რომ იანუკოვიჩი ხარკოვში სამუშაო ვიზიტად იმყოფება. "პრეზიდენტი ხარკოვში გუშინ საღამოს ჩავიდა. დღეს ის ამომრჩევლებს შეხვდება", - განაცხადა გერმანმა.
უკრაინის პრეზიდენტის ვიქტორ იანუკოვიჩის "მეჟიგორიეს" რეზიდენცია ცარიელია და ტერიტორიაზე ჟურნალისტებს უშვებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.