ცაგერის მუნიციპალიტეტში მეწყრული მოვლენების შედეგად სოფელ ღვირიშის, სანორჩის, ნასპერის და უცხერის დამაკავშირებელ გზაზე კლდოვანი მასა ჩამოიშალა.
ცაგერის მერიის ცნობით, ამ მიმართულებით საავტომობილო გზა დროებით ჩაიკეტა და გადაადგილება შესაძლებელია ალპანა-ღვირიშის და ცაგერი-დეხვირი-სანორჩი- ნასპერის მიმართულებით.
„აღნიშნულ გზაზე დაიწყო გაწმენდითი სამუშაოები. დროებით მოეწყობა საფეხმავლო გზა. უახლოეს დღეებში ადგილზე ვითარებას შეისწავლის გეოლოგების ჯგუფი და მათი დასკვნის საფუძველზე დაიწყება ალტერნატიული საავტომობილო გზის მოწყობის სამუშაოები“, - აცხადებენ ცაგერის მერიაში.
დილიდან ადგილზე იმყოფებოდა ცაგერის მერის მოვალეობის შემსრულებელი ალუდა თუთისანი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.