GUARDIAN.GE-ის ფოტოზე თბილისის 186-ე საჯარო სკოლა
დიდ დიღომში 12 წლის გოგონა გარდაცვლილი იპოვეს. არასრულწლოვანი გუშინ საღამოს გავიდა სახლიდან და უკან არ დაბრუნებულა. გვიან ღამით მას სამართალდამცველები, ოჯახის წევრები და ადგილობრივები ეძებდნენ და რამდენიმესაათიანი ძებნის შემდეგ, პეტრიწის ქუჩაზე, 186-ე საჯარო სკოლასთან, რაგბის სტადიონის ახლომდებარედ, უგონო მდგომარეობაში იპოვეს. ადგილზე მისულმა სასწრაფო დახმარების ბრიგადამ მოზარდის გადარჩენა ვერ შეძლო. არსებული ინფორმაციით, გოგონას სხეულზე ძალადობის კვალი აღენიშნება.
მოზარდი, რომლის ვინაობაც GUARDIAN.GE-ისთვის ცნობილია, თბილისის 186-ე საჯარო სკოლის მოსწავლე იყო.
შინაგან საქმეთა სამინისტროში ამ ეტაპზე მხოლოდ იმას აცხადებენ, რომ მომხდარ ფაქტთან დაკავშირებით გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.