საქართველოს განათლებისა და მეცნიერების მინისტრმა გიორგი ამილახვარმა პირველი სამუშაო შეხვედრა საქართველოში ევროკავშირის ელჩთან, პაველ ჰერჩინსკისთან გამართა და მასთან განათლების ყველა საფეხურზე მიმდინარე პროექტები, დაგეგმილი სიახლეები და სამომავლო გეგმები განიხილა.
გიორგი ამილახვარმა მადლობა გადაუხადა ევროკავშირის ელჩს განათლების სისტემის მხარდაჭერისა და ბოლო წლებში განხორციელებული არაერთი მასშტაბური პროექტისთვის.
მინისტრმა განსაკუთრებული ყურადღება გაამახვილა საქართველოს განათლების სისტემაში საერთაშორისო სტანდარტების დანერგვის მნიშვნელობაზე. მისი თქმით, განათლების ინტერნაციონალიზაციის კუთხით მუშაობა აქტიურად გაგრძელდება და ყველაფერი გაკეთდება იმისთვის, რომ ახალგაზრდებს კიდევ უფრო მეტად მიუწვდებოდეთ ხელი ევროპული ხარისხის განათლებაზე საქართველოში.
შეხვედრაზე საუბარი შეეხო საქართველოში ადამიანური კაპიტალის განვითარებას, აღმოსავლეთ პარტნიორობის ევროპული სკოლის მშენებლობის საკითხებს, Horizon Europe-ის მნიშვნელობასა და Erasmus-ის პროგრამის გაფართოებას განათლების ყველა საფეხურზე, რათა პროგრამამ სპორტისა და ახალგაზრდობის მიმართულებებიც მოიცვას.
ორივე მხარემ ერთმანეთთან მჭიდრო და აქტიური თანამშრომლობის სრული მზაობა გამოხატა როგორც მიმდინარე, ასევე ახალი პროექტების განხორციელების მიმართულებით.
ინფორმაციას საქართველოს განათლებისა და მეცნიერების სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.