22 აპრილს, დედამიწის საერთაშორისო დღის აღნიშვნის ფარგლებში „ახალქალაქი ჰესის“ გარემოსდაცვითი კომპონენტის ფარგლებში, 220 ცალი ნერგი დაირგო, საიდანაც 100 ცალი ნერგი კაუჭა ფიჭვია, 70 ცალი - იფანი, 50 ცალი კი, ნეკერჩხალი.
აქცია, რომელსაც „ახალქალაქი ჰესი“ ახორციელებს სამ წელზე იყო გათვლილი (2021 – 2023 წწ.) და გარემოს გამწვანებას ისახავს მიზნად. აქტივობა დედამიწის საერთაშორისო დღის ფარგლებში ტარდებოდა, რომელიც ყოველწლიურად 22 აპრილს აღინიშნება.
ახალი ნერგები დაირგო ახალქალაქი 1 და ახალქალაქი 2 ჰიდროელექტროსადგურების მიმდებარე ტერიტორიებზე. ასევე, 50 ცალი ნერგი, როემლიც კომპანიამ ადგილობრივ მუნიციპალიტეტს გადასცა, ახალქალაქი-კარწახის და ახალქალაქი-ნინოწმინდის გზატკეცილებზე დაირგო. ხეების დარგვის აქციაში მონაწილეობა მიიღეს კომპანიის თანამშრომლებმა და ადგილობრივი თვითმმართველობის წარმომადგენლებმა.
„წელს დავასრულეთ ახალქალაქის ჰიდროელექტროსადგურის მიერ ინიცირებული გამწვანებისა და რეკულტივაციის სამწლიანი პროგრამა, რომლის ფარგლებშიც ახალქალაქის მუნიციპალიტეტში არსებულ სხვადასხვა ტერიტორიაზე ჯამში დავრგეთ 1675 ცალი ნერგი. მოხარულნი ვართ, რომ ნერგების ბუნებასთან შერწყმის პროცესი უმეტეს შემთხვაში კარგად წარიმართა და ამისთვის დიდი მადლობა ადგილობრივი მუნიციპალიტეტის წარმომადგენლებს, რადგან ისინი უზრუნველყოფენ ამ ნერგების მოვლა-პატრონობას“, - აცხადებენ „ახალქალაქი ჰესში“.
ინფორმაციას ახალქალაქის მუნიციპალიტეტის საკრებულო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.