თავდაცვის ბიუჯეტის ზრდა, სამხედრო მოსამსახურეებისთვის სოციალური გარანტიები, ბოლო
წლების პოზიტიური ტენდენცია და დინამიკა - თავდაცვის მინისტრის ერთ-ერთი სასაუბრო
თემა იყო გადაცემაში „იმედი LIVE“. ჯუანშერ ბურჭულაძემ ქვეყნის ეკონომიურ წინსვლას
გაუსვა ხაზი და აღნიშნა, რომ ქვეყნის ეკონომიურ განვითარებასთან ერთად, პროპორციულად,
უფრო მეტით გაიზარდა თავდაცვის სამინისტროს ბიუჯეტი, რომელმაც წელს 26% შეადგინა.
„არ მინდა, ვინმეს შთაბეჭდილება დარჩეს, რომ მხოლოდ სოციალურ პროექტებს ვაფინანსებთ.
გარდა იმისა, რომ ყველა სამხედრო მოსამსახურეს, წელს პირველი იანვრიდან მოემატათ
ანაზღაურება 20%-ით, იგივე გავაკეთეთ ჩვენ პრემიერის თავდაცვის მინისტრობის დროს,
გავუზარდეთ ანაზღაურება. მას შემდეგ ჩვენ ვინარჩუნებთ ამ ტემპს“, - განაცხადა მან.
მინისტრმა აღნიშნა, რომ პროპორციულად გაიზარდა დაფინანსება, სამხედრო შეიარაღებაზეც და
ამ კუთხით ძალიან დიდი პროექტებია დაწყებული. ამ კონტექსტში ჯუანშერ ბურჭულაძემ
განაცხადა, რომ ხელშეკრულებებია დადებული ხელის გადასატანი, ერთჯერადი ყუმბარების
შესყიდვაზე ესპანურ კომპანიასთან, გერმანულ კომპანიასთან. მიმდიანრეობს მუშაობა
„ელბიტთან“, რომელიც გახლავთ ისრაელის წარმოება, ანტი-დრონებზე, ჰაერსაწინააღმდეგო
სისტემების შეძენაზე.
ჯუანშერ ბურჭულაძემ მახათას მთაზე მიმდინარე ,,ჯარის ქალაქის " მშენებლობაზეც ისაუბრა.
როგორც მან აღნიშნა, მშენებლობა დასრულებულია და ტერიტორიაზე მიმდინარეობს
კეთილმოწყობის სამუშაოები, რომელიც 1 თვეში დასრულდება. მინისტრის თქმით, ეს პროექტი
იქნება განგრძობითი ხასიათის და ამის ვალდებულებას სახელმწიფო აიღებს კოდექსით, რომ
მომავალშიც იზრუნებს სამხედრო მოსამსახურეებზე. როგორც ჯუანშერ ბურჭულაძემ აღნიშნა,
გრძელდება მიდგომა - ყველაფერი საუკეთესო ჯარს, რაც მოტივაციას უქმნის სამხედრო
მოსამსახურეებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.