პროექტი „ჩვენი ჯარი“, რომელსაც თავდაცვის სამინისტრო განათლებისა და მეცნიერების სამინისტროსთან ერთად საზოგადოების ინფორმირებისა და ახალგაზრდებში ჯარის შესახებ ცნობიერების ამაღლების მიზნით ახორციელებს, მიმდინარე სასწავლო წელს წარმატებით სრულდება.
პროექტის ფარგლებში კადეტთა სამხედრო ლიცეუმის დირექტორი, პოლკოვნიკი მალხაზ გოლეთიანი ქუთაისის ანდრია რაზმაძის სახელობის №41 საჯარო სკოლას ესტუმრა და შეხვედრა გამართა. მან მაღალი კლასების მოსწავლეებთან საქართველოს თავდაცვის ძალების ისტორიის, მიზნების, ამოცანებისა და თავდაცვის სფეროში მიმდინარე რეფორმების შესახებ ისაუბრა. ასევე, ყურადღება გაამახვილა სამხედრო საქმის მნიშვნელობაზე. პოლკოვნიკმა მალხაზ გოლეთიანმა მოსწავლეებს პირადი გამოცდილებაც გაუზიარა და მოგვიანებით მათთვის საინტერესო შეკითხვებს უპასუხა. საქართველოს მასშტაბით, თავდაცვის ძალების წარმომადგენლები საჯარო სკოლების მოსწავლეებს ეტაპობრივად ხვდებიან და ქართული ჯარის შესახებ აქტუალურ ინფორმაციასა და სიახლეებს პირადად აწვდიან. პროექტი ახალგაზრდებში ცნობიერების ამაღლებასა და პატრიოტული სულისკვეთების გაღრმავებას ისახავს მიზნად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.