ვანის მუნიციპალიტეტში მიმდინარე და დასრულებული ინფრასტრუქტურული პროექტები, რეგიონული განვითარებისა და ინფრასტრუქტურის მინისტრმა ირაკლი ქარსელაძემ, იმერეთის მხარეში სახელმწიფო რწმუნებულ ზვიად შალამბერიძესთან და ვანის მერის მოადგილეებთან ერთად დაათვალიერა.
პრემიერ-მინისტრის მიერ ინიცირებული სახელმწიფო პროგრამა „განახლებული რეგიონების“ ფარგლებში, ვანში დასრულდა ქალაქის განახლების სამუშაოების მეორე ეტაპი.
პირველ ეტაპზე რეაბილიტაცია ჩაუტარდა თამარ მეფის ქუჩას, შეიცვალა საცხოვრებელი სახლის ღობეები , ჭიშკრები, მოეწყო ტროტუარები.ასევე სრული რეაბილიტაცია ჩაუტარდა აღნიშნულ ქუჩაზე მდებარე სკვერს.
პროექტის შემდგომ ეტაპზე მოწესრიგდა ცენტრალური მოედანი და მიმდებარე ქუჩების ნაწილი,დაირგო მარადმწვანე მცენარეები. აღნიშნულ ტერიტორიაზე რეაბილიტირდა როგორც საცხოვრებელი სახლების, ასევე კომერციული ფართების ფასადები, შეიცვალა სახურავები, ღობეები და ჭიშკრები. მოეწყო განათებები, სრულად განახლდა თავისუფლების ქუჩაზე მდება რე სკვერი. სამუშაოები მუნიციპალური განვითარების ფონდმა განახორციელა.
ევროკავშირის „საპილოტე რეგიონების ინტეგრირებული განვითარების პროგრამის“ დაფინანსებით, სრული რეაბილიტაცია ჩაუტარდა გივი ყიფიანის სახელობის ტყე-პარკს. განახლდა არსებული ინფრასტრუქტურა, აღდგა ძველი გადმოსახედი კოშკი, მოეწყო დასასვენებელი ლოკაციები, როგორც უფროსებისთვის ასევე ბავშვებისთვის. დასრულდა თავისუფლების ქუჩაზე მდებარე სკვერისა და მასში განთავსებული შენობის რეაბილიტაცია, სადაც მოსწავლე ახალგაზრდობის სასახლე და ტურიზმის ცენტრი განთავსდა. პროექტების ჯამურმა ღირებულებამ 2 მილიონ ლარზე მეტი შეადგინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.