ის, რასაც კალაძე აკეთებს და რამაც მოქალაქეთა ცხოვრება ყოველდღიურ ჯოჯოხეთად აქცია, არანაირი „სატრანსპორტო რეფორმა“ არაა. ამ სადიზმის ერთადერთი მიზანი საბიუჯეტი მილიარდების კერძო ჯიბეებში გადაქაჩვაა, უბრალო ადამიანების შეურაცხყოფის, დროის ფლანგვის, ხელოვნურად შექმნილ საცობებში დასტრესვის, ეკოლოგიური მდგომარეობის გაუარესების (გამონაბოლქვის ზრდისა) და ადამიანების ტანჯვის ფასად, - ამის შესახებ „ფეისბუქში“ „ჭავჭავაძის ცენტრის“ დამფუძნებელი, პარტია „ერთიანი ნაციონალური მოძრაობის“ პოლიტიკური საბჭოს თავმჯდომარის ყოფილი მოადგილე ზაზა ბიბილაშვილი წერს.

„რეფორმა არის ის, რაც მოქალაქეთა ცხოვრებას აუმჯობესებს.

რეფორმა იყო, როცა ვარდების რევოლუციის მერე ძაღლობა დაშალეს და პატრული შექმნეს.

რეფორმა იყო, როცა „ოვირი“ გააუქმეს და იუსტიციის სახლები შექმნეს.

რეფორმა იყო, როცა შევარდნაძის საბაჟო გააუქმეს და „გეზ“-ი შექმნეს.

რეფორმა იყო, როცა 27 გადასახადიდან 21 გააუქმეს და ექვსიღა დატოვეს ჩინოვნიკების საჯიჯგნად.

ის, რასაც კალაძე აკეთებს და რამაც მოქალაქეთა ცხოვრება ყოველდღიურ ჯოჯოხეთად აქცია, არანაირი „სატრანსპორტო რეფორმა“ არაა. ამ სადიზმის ერთადერთი მიზანი საბიუჯეტი მილიარდების კერძო ჯიბეებში გადაქაჩვაა, უბრალო ადამიანების შეურაცხყოფის, დროის ფლანგვის, ხელოვნურად შექმნილ საცობებში დასტრესვის, ეკოლოგიური მდგომარეობის გაუარესების (გამონაბოლქვის ზრდისა) და ადამიანების ტანჯვის ფასად.

როცა ამათ გავყრით ამ „რეფორმის“ დიდი ნაწილი გასაუქმებელი იქნება. ის მილიარდებიც სახელმწიფო ბიუჯეტში იქნება დასაბრუნებელი.

45 წუთი ვიღოღე ბარათაშვილის ხიდიდან ავლაბრის მოედნამდე - მხოლოდ იმიტომ, რომ რვა სული ქურდის ძმაკაცმა კალაძემ წინა ხელისუფლების დროს დადგმული შადრევანი მოშალა, ავლაბრის მოედანზე მშენებლობის ნებართვა გასცა და შუქნიშანი ჩადგა, რომელიც თითო გაშვებაზე 5-6 მანქანას უშვებს“, - წერს ზაზა ბიბილაშვილი.