თურქეთის ცენტრალური ბანკის ახალი მმართველი აპირებს რეფინანსირების განაკვეთის 8,5 პროცენტიდან 25 პროცენტამდე აწევას, - ამის შესახებ საქართველოს ეროვნული ბანკის ყოფილი პრეზიდენტი, პარლამენტის წევრი რომან გოცირიძე „ფეისბუქში“ წერს.
„თურქული წარმოშობის ამერიკელმა ქალმა, თურქეთის ცენტრალური ბანკის ახალმა მმართველმა საქმეს მოჰკიდა ხელი. როგორც ამბობენ, აპირებს რეფინანსირების განაკვეთის 8,5 პროცენტიდან 25 პროცენტამდე აწევას. შოკური თერაპიის მეთოდია, ფაქტობრივად. როცა სერიოზული შეცდომები იყო დაშვებული, სხვა გზა არც ჰქონდა. თურქეთში ინფლაცია ოფიციალურად 40 პროცენტია (სინამდვილეში უფრო მეტი), ცოტა ხნით ადრე 80 პროცენტსაც კი აღწევდა.
თურქეთში, რომელმა მმართველმაც კი მკაცრი ფულად-საკრედიტო პოლიტიკის გატარება მოინდომა, ყველა მოხსნეს. ვნახოთ, სანამდე გაძლებს ეს ქალბატონი, რომელსაც უდიდეს ამერიკულ საფინანსო კომპანიებში წამყვანი თანამდებობები ეკავა და მაღალი რეპუტაციით სარგებლობს როგორც აკადემიურ, ასევე ბიზნესწრეებში.
თურქეთში ფინანსური სტაბილურობა ჩვენს უშუალო ინტერესებშია და მისი წარმატება ყველას უნდა გაგვიხარდეს“, - წერს გოცირიძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.