საქართველოს თავდაცვის მინისტრმა ჯუანშერ ბურჭულაძემ საქართველოს
კიბერუსაფრთხოების ფორუმზე ეროვნული კიბერმედეგობის გაძლიერებაში საქართველოს
თავდაცვის სამინისტროს როლზე და უწყების მიერ განხორციელებულ რეფორმებზე
ისაუბრა. „ეროვნული კიბერმედეგობის გაძლიერებაში საქართველოს თავდაცვის
სამინისტროს კიბერუსაფრთხოების ბიურო აქტიურად დგას სხვა უწყებების გვერდით და
აკეთებს მაქსიმუმს, რათა უსაფრთხოების ეს განზომილება სათანადოდ იყოს დაცული.
სამინისტროში მიმდინარე და დაგეგმილი რეფორმები ამის პირდაპირი დადასტურებაა,“ -
აღნიშნა მან. მისი თქმით, აქტიურად მიმდინარეობს მუშაობა კიბერსარდლობის
ჩამოყალიბებასა და დაკომპლექტებაზე, ასევე, აქტიურ ფაზაშია კიბერუსაფრთხოების
ბიუროს ახალი შენობის პროექტირება, სადაც თანამედროვე სტანდარტების საოპერაციო
სივრცე მოეწყობა.
სიტყვით მიმართვისას, მინისტრმა ხაზგასმით აღნიშნა ეროვნულ და საერთაშორისო დონეზე
თანამშრომლობის მნიშვნელობა. „უწყებრივი თანამშრომლობის პოზიტიური შედეგია SNGP-
ის კიბერთავდაცვის პაკეტის ეროვნულ დონეზე ატანა და თანამშრომლობის ამ
ფორმატისათვის უფრო მეტი ლეგიტიმაციის შეძენა. ჩვენ გვჯერა, რომ კიბერსივრცის
კომპლექსურობიდან გამომდინარე მჭიდრო კომუნიკაცია სტრატეგიულ პარტნიორებთან,
ნატოსა და ევროკავშირთან არის წარმატების მიღწევის ერთ-ერთი მთავარი კომპონენტი,“ -
განაცხადა ჯუანშერ ბურჭულაძემ. მისივე თქმით, საქართველო აქტიურად არის ჩართული
პარტნიორი ქვეყნებისა და ორგანიზაციების მიერ დაგეგმილ კიბერსწავლებებსა თუ
სხვადასხვა ღონისძიებებში.
კიბერუსაფრთხოების ფორუმი პრემიერ-მინისტრმა ირაკლი ღარიბაშვილმა გახსნა და ორი
დღის განმავლობაში გაგრძელდება. ფორუმის მიზანია კიბერუსაფრთხოების სფეროში
არსებული გამოწვევებისა და თანამედროვე მიდგომების შესახებ ინფორმაციის გაზიარება და
საერთაშორისო დონეზე, კიბერკომპონენტის საშუალებით, საქართველოს პოზიციონირების
გაძლიერება. ღონისძიებაში მონაწილეობენ კიბერუსაფრთხოების უზრუნველყოფაში
ჩართული საქართველოს საჯარო უწყებების წარმომადგენლები, უცხოელი ექსპერტები
პარტნიორი ქვეყნებიდან და ორგანიზაციებიდან, ასევე დიპლომატიური მისიების
წარმომადგენლები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.