ფოტო: საქართველოს კულტურისა და სპორტის სამინისტრო
საქართველოს 21 წლამდელ ფეხბურთელთა ნაკრები ევროპის ჩემპიონატის ჯგუფური ეტაპის მესამე მატჩში ნიდერლანდების გუნდს დაუპირისპირდა. „ჯვაროსნებმა" მატჩი ფრედ - 1:1 დაამთავრეს.
ანგარიში მატჩის 42-ე წუთზე ზურიკო დავითაშვილმა გახსნა. ნიდერლანდების ნაკრებმა ანგარიში პირველი ტაიმის დამატებული დროის ბოლო წამებზე გაათანაბრა.
მეორე ტაიმში გოლი აღარ გასულა. ქართველმა ფეხბურთელებმა A ჯგუფში პირველი ადგილი დაიკავეს და 21 წლამდე ევროპის ჩემპიონატის პლეიოფში ასპარეზობის უფლება მოიპოვეს.
A ჯგუფში პარალელურად მიმდინარე თამაში პორტუგალიამ ბელგია 2:1 დაამარცხა, რამაზ სვანაძის გუნდი 5 ქულით პირველ ადგილზე გავიდა და ევრო 2023-ის მეოთხედფინალში პირველ ივლისს „მიხეილ მესხზე“ (ან „დინამო არენაზე“) C ჯგუფის მეორეადგილოსანს დაუპირისპირდება.
„დინამო არენაზე“ გამართულ დღევანდელ მატჩს 43 004 გულშემატკივარი დაესწრო, რაც ტურნირის ახალი რეკორდია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.