GUARDIAN.GE - თეთრმა სახლმა დაადასტურა, რომ უკრაინა რუსული ძალების წინააღმდეგ ამერიკულ კასეტურ ბომბებს იყენებს. ეროვნული უსაფრთხოების სპიკერის, ჯონ კირბის განცხადებით, პირველადი გამოხმაურება მიუთითებს, რომ ისინი „ეფექტურად“ გამოიყენებოდა რუსეთის თავდაცვით პოზიციებსა და ოპერაციებში.
კასეტური ბომბები მრავალ ბომბს ფანტავს და აკრძალულია 100-ზე მეტი სახელმწიფოს მიერ მშვიდობიანი მოსახლეობისთვის საფრთხის გამო. შეერთებულმა შტატებმა თანხმობა განაცხადა, რომ მიაწოდებდა კასეტურ ბომბებს უკრაინას, რითაც უკრაინისთვის საბრძოლო მასალების მიწოდებას გაზრდიდა. უკრაინამ პირობა დადო, რომ ბომბები გამოყენებული იქნება მხოლოდ რუსი ჯარისკაცების შესავიწროებლად.
„ისინი იყენებენ მათ სათანადოდ“, თქვა კირბიმ. „ისინი იყენებენ მათ ეფექტურად და ისინი რეალურად გავლენას ახდენენ რუსეთის თავდაცვით ფორმირებებზე და რუსეთის თავდაცვით მანევრირებაზე“.
პრეზიდენტმა ჯოზეფ ბაიდენმა უკრაინისთვის კასეტური ბომბების მიწოდების თაობაზე გადაწყვეტილებას „ძალიან რთული“ უწოდა, ხოლო მისი მოკავშირეები - დიდი ბრიტანეთი, კანადა, ახალი ზელანდია და ესპანეთი მათ გამოყენებას ეწინააღმდეგებოდნენ.
ბომბების გაგზავნის შესახებ აშშ-ის გადაწყვეტილებაზე რეაგირებისას, რუსეთის პრეზიდენტმა ვლადიმერ პუტინმა განაცხადა, რომ რუსეთს აქვს ანალოგიური იარაღი და მოსკოვი ამ ბომბებს გამოიყენებს, „თუ ისინი ჩვენს წინააღმდეგ იქნება გამოყენებული“.
მომზადებულია BBC-ზე დაყრდნობით, GUARDIAN.GE -ის მიერ
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.