საქართველოს საგარეო საქმეთა მინისტრი, ილია დარჩიაშვილი პორტუგალიის რესპუბლიკის საგარეო საქმეთა მინისტრს, ჟოაო გომეშ კრავინიოს შეხვდა.
მინისტრებმა ისაუბრეს საქართველოსა და პორტუგალიის თანამშრომლობის ძირითად მიმართულებებზე. ილია დარჩიაშვილმა ჟოაო გომეშ კრავინიოს მადლობა გადაუხადა საქართველოს ტერიტორიული მთლიანობის და სუვერენიტეტის მხარდაჭერისთვის და ხაზგასმით აღნიშნა ლუზოფონურ ქვეყნებში, არაღიარების პოლიტიკის განხორციელების კუთხით, პორტუგალიის პოზიციის კრიტიკული მნიშვნელობა.
ილია დარჩიაშვილმა პორტუგალიელ კოლეგასთან განიხილა საქართველოს ევროპული და ევროატლანტიკური ინტეგრაციის პროცესი და ისაუბრა საქართველოს მიერ ევროკომისიის 12 პრიორიტეტის შესრულების კუთხით მიღწეულ პროგრესზე. ამასთან, საგარეო საქმეთა მინისტრმა იმედი გამოთქვა, რომ პორტუგალია მხარს დაუჭერს საქართველოსთვის კანდიდატის სტატუსის მინიჭებას.
საუბარი შეეხო ნატოს ვილნიუსის სამიტს და მის დასკვნით დოკუმენტში საქართველოს მიმართ გამოხატულ მხარდაჭერას, როგორც პოლიტიკურ, ასევე პრაქტიკულ განზომილებაში.
მინისტრებმა დეტალურად განიხილეს რეგიონში არსებული უსაფრთხოების გამოწვევები, რუსეთის მიერ წარმოებული ომი უკრაინაში. საუბარი შეეხო საქართველოს ოკუპირებულ ტერიტორიებზე არსებულ მძიმე ჰუმანიტარულ ვითარებას და პროცესებში პარტნიორების ჩართულობის მნიშვნელობას.
მხარეებმა ისაუბრეს საქართველოსა და პორტუგალიას შორის პოლიტიკური კონსულტაციების რაუნდების გააქტიურების შესახებ, ასევე მიმოიხილეს ორი ქვეყნის თანამშრომლობა ეკონომიკის, კულტურისა და განათლების მიმართულებით. აღინიშნა, რომ ბოლო წლებში საქართველოს და პორტუგალიას შორის გაიზარდა სავაჭრო და ბიზნეს კავშირები.
ხაზი გაესვა, რომ თბილისის სახელმწიფო უნივერსიტეტში წარმატებით ოპერირებს კამოეშის ცენტრი, რომელმაც ქართველ სტუდენტებში დიდად გაზარდა ინტერესი პორტუგალიური ენისა და კულტურის მიმართ. ასევე საუბარი შეეხო ლისაბონის გრასას ტაძარში ქეთევან დედოფლის ფრესკის რეაბილიტაციის წარმატებულ პროექტს.
მხარეებმა, კიდევ ერთხელ დაადასტურეს მზადყოფნა, ორ ქვეყანას შორის ნაყოფიერი თანამშრომლობის გაგრძელებასა და კიდევ უფრო გააქტიურებასთან დაკავშირებით.
ინფორმაციას საქართველოს საგარეო საქმეთა სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.