„ქოცებო“, ისე ვატყობ, რომ თქვენი უგუნური (არ მინდა ვიფიქრო, რომ „გამიზნული“?!) პოლიტიკის წყალობით, სწორედ თქვენ მისცემთ ოკუპანტ რუსებს - „მეორე ფრონტის გახსნის“ საბაბს! დიახ, რუსეთიდან ათი ათასობით ადამიანის უკონტროლო შემოდინება, ტურისტის თუ „სხვა სახით“, პირდაპირ საფრთხეს უქმნის საქართველოში სტაბილურობის შენარჩუნებას! მითუმეტეს, რომ რუსეთის მოქალაქეების გარკვეული ნაწილი გამომწვევად იქცევა, ისინი „სპეციალურად“ აკეთებენ შეურაცხმყოფელ განცხადებებს, საქართველოს სახელმწიფოებრიობის, სუვერენიტეტის და ტერიტორიული მთლიანობის მიმართ, რასაც დიდი ალბათობით, საქართველოს მოქალაქეების მხრიდან ადეკვატური მოქმედებები მოყვება, რაც ოკუპანტმა რუსებმა შეიძლება ახალი აგრესიისთვის გამოიყენონ! ამიტომ, ამ საფრთხეების თავიდან ასაცილებლად აუცილებელია, რომ საქართველოს ხელისუფლებამ მიიღოს შემდეგი ზომები:
1) რუსეთის ფედერაციასთან 1-ელი სექტემბრიდან დაწესდეს სავიზო რეჟიმი.
2) რუსეთის ფედერაციიდან ვიზით შემოსული მოქალაქეებისათვის საქართველოში ყოფნის ვადა განისაზღვროს 1 თვით.
3) რუსეთის ფედერაციასთან შეწყდეს საჰაერო და საზღვაო მიმოსვლა, გარდა სახმელეთოსი (ლარსის საბაჟო-სასაზღვრო გამშვები პუნქტი).
4) რუსეთის ფედერაციის მიერ ოკუპირებული ტერიტორიების მიმდებარედ, ანუ საოკუპაციო ხაზის გასწვრივ (ცხინვალის რეგიონის გარშემო და აფხაზეთის, მდინარე ენგურის მონაკვეთზე) გაძლიერდეს პოლიციის შესაბამისი დანაყოფების პატრულირება.
ჯუმბერ კირვალიძე,
პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.