კონსტანტინე კუბლაშვილის გარდაცვალება უდიდესი დანაკლისია სასამართლო სისტემის წარმომადგენლებისა და ჩვენი ქვეყნის მართლმსაჯულებისთვის, - ამის შესახებ თბილისის სააპელაციო სასამართლოს განცხადებაშია აღნიშნული.
„თბილისის სააპელაციო სასამართლო ღრმა მწუხარებას გამოთქვამს ბატონი კონსტანტინე კუბლაშვილის გარდაცვალების გამო.
საქართველოს უზენაესი სასამართლოს თავმჯდომარის რანგში თუ აკადემიური საქმიანობის ფარგლებში, ბატონი კონსტანტინე მუდმივად იღვწოდა ქართული სამართლის განვითარებისთვის, იყო სამაგალითო პროფესიონალი და განსაკუთრებით პატივსაცემი კოლეგა. მისი დაკარგვა უდიდესი დანაკლისია სასამართლო სისტემის წარმომადგენლებისა და ჩვენი ქვეყნის მართლმსაჯულებისთვის.
ვუსამძიმრებთ ბატონი კონსტანტინეს ოჯახის წევრებს, მეგობრებს და კოლეგებს და თანაგრძნობას ვუცხადებთ მათ“, - ნათქვამია განცხადებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.