უკრაინის პრეზიდენტმა ვიქტორ იანუკოვიჩმა ოპოზიციის ლიდერს არსენ იატცენიუკს პრემიერ-მინისტრის პოსტი, ყოფილ მოკრივეს, ვიტალი კლიჩკოს კი ჰუმანიტარულ საკითხებში ვიცე-პრემიერის თანამდებობა შესთავაზა.
ამგვარი ნაბიჯი პრეზიდენტმა მას შემდეგ გადადგა, რაც პარასკევს, 24 იანვარს ოპოზიციასთან ხანგრძლივი მოლაპარაკებები უშედეგო აღმოჩნდა და მან კიდევ უფრო მეტი მღელვარება გამოიწვია უკრაინის დედაქალაქში.
დღეს, 25 იანვარს, კიდევ ერთი ადამიანი ემსხვერპლა არეულობებს. სხეულზე მიყენებული დაზიანებებით კიევის საავადმყოფოში მიყვანილი 45 წლის პროტესტანტი უკვე მეოთხეა, რომელიც არეულობების მსხვერპლი გახდა.
ოთხშაბათს, 22 იანვარს, კიევში პოლიციასთან შეტაკებისას 2 ადამიანი დაიღუპა. უკვე დადასტურებულია რომ ისინი ცეცხლსასროლი იარაღით მიყენებული ჭრილობებისაგან გარდაიცვალნენ. ეს ორი დემონსტრანტი პირველი მსხვერპლი შეიქმნა კიევში გვიან ნოემბერში დაწყებული ანტი-სამთავრობო გამოსვლების შემდეგ. ოთხშაბათს გვიან საღამოს უკრაინულმა რადიო "თავისუფლებამ" საზოგადოებას მესამე აქტივისტის სიკვდილის თაობაზეც აუწყა. რადიოს ცნობით, იური ვერბიცკის გვამი, რომელსაც წამების ნიშნები აღენიშნებოდა, კიევის გარეთ მდებარე ტყეში იპოვეს. მედიის ინფორმაციით, იგი აქტივისტ იგორ ლუცენკოსთან ერთად კვირის დასაწყისში გაიტაცეს, თავად ლუცენკო კი მოგვიანებით გაათავისუფლეს და ახლა იგი საავადმყოფოში იმყოფება.
bbc.co.uk
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.