ოთხშაბათს ნატო შეთანხმდა აქამდე ყველაზე გაბედული ნაბიჯების გადადგმაზე, შეაკავოს რუსეთი ბალტიის და აღმოსავლეთ ევროპის ქვეყნებზე ნებისმიერი თავდასხმისაგან, რისთვისაც იგი სწრაფად განათავსებს საჰაერო, საზღვაო და სახმელეთო ძალებს ცივი ომის ეპოქის სამხედრო ბაზების გამოყენების გარეშე. ამის შესახებ Reuters-ი წერს. guardian.ge აღნიშნული სტატიის თარგმანს მცირე შემოკლებით გთავაზობთ. 

2014 წელს ყირიმის ანექსიის შემდეგ რუსეთის დაწრმუნების მცდელობის კვალდაკვალ, ნატოს თავდაცვის მინისტრები დაეყრდნობიან ახალი ალიანსის საგუშაგოებს, ძალებსა და როტაციას, დასაწყობებულ აღჭურვილობას და რეგულარულ საბრძოლო წვრთნებს, რაც მხარდაჭერილი იქნება სწრაფი რეაგირების ძალებით.

„რუსეთი არის საფრთხე. მოსკოვის ქმედებები ყირიმში, მათი მხარდაჭერა სეპარატისტებისადმი უკრაინაში და მათი მოულოდნელი წვრთნები ჩვენი შეშფოთების საგანია,“ განუცხადა Reuters -ს ლიტვის თავდაცვის მინისტრმა იოზას ოლაკასმა ბრიუსელში, ალიანსის შეხვედრაზე.

ბრიტანეთის თავდაცვის მინისტრის მაიკლ ფალონის თქმით, „ნატო ნიშნავს იმას, რასაც ის ამბობს“. მისი შეფასებით, ნატომ აჩვენა ერთიანობა დასავლეთის, რომელიც უუნარო აღმოჩნდა რუსეთის წინააღმდეგ მოეხდინა შეიარაღებული ძალების შეკრება სირიაში, სადაც შეერთებული შტატები კრიტიკის ობიექტია, რადგან ვერ შეძლო ამბოხებულების მიერ დაკავებულ ალეპოს მიმდებარე ადგილებში რუსების მიერ მხარდაჭერილი თავდასხმების შეჩერება.

ნატოს გენერალურმა მდივანმა იანს სტოლტენბერგმა განაცხადა, რომ იგი მიმდინარე კვირას მიუნხენის უსაფრთხოების კონფერენციაზე რუსეთის საგარეო საქმეთა მინისტრს სერგეი ლავროვს შეხვდება, რათა ხაზი გაუსვას ბალტიისა და აღმოსავლეთ ევროპის ქვეყნების მიმართ ნატოს სტრატეგიის თავდაცვით ხასიათს.

„ჩვენ გვჯერა, რომ განსაკუთრებით მაშინ, როცა რთული დროა, და ახლა ასეთი მდგომარეობაა, ძალზე მნიშვნელოვანია, გაგვაჩნდეს პოლიტიკური დიალოგი და გახსნილი გვქონდეს არხები ნატოსა და რუსეთს შორის,“ განაცხადა სტოლტენბერგმა.

ნატოს არაწევრმა საქართველომ, რომელმაც 2008 წელს რუსეთთან ხუთ-დღიანი ომი აწარმოა, რის შედეგადაც მისი ორი რეგიონი რუსი სამხედროების მიერ იქნა ოკუპირებული, ასევე გააფრთხილა ნატო, ფხიზლად იყოს. „კრემლისაგან არაფრის გამორიცხვა არ შეიძლება,“ უთხრა საქართველოს თავდაცვის მინისტრმა თინათინ ხიდაშელმა Reuters -ს. „მათ არ შეუძლიათ აჩვენონ სისუსტე.“

პოლონეთის ახალი კონსერვატიული მთავრობა კი ყველაზე გადამჭრელად მოითხოვს მის ტერიტორიაზე ნატოს მუდმივი ბაზების განლაგებას.

თავდაპირველი განხილვების მიხედვით, ნატო სავარაუდოდ, 6 ყოფილ კომუნისტურ ქვეყანაში, ლიტვაში, ლატვიაში, ესტონეთში, პოლონეთში, ბულგარეთსა და რუმინეთში, ერთ დროს მოსკოვის დომინანტობის ქვეშ მყოფ სახელმწიფოებში, თითოეულში ათას ჯარისკაცამდე განალაგებს. ისინი კი მხარდაჭერილი იქნებიან სწრაფი რეაგირების ძალებით, რომელიც მოიცავს საჰაერო, საზღვაო, და სპეციალურ ქვედანაყოფებს, რაც 40 000 სამხედრო პერსონალისაგან შედგება.

პოლონეთის თავდაცვის მინისტრის ანტონი მასირევიჩის თქმით, მხოლოდ 1 000 სამხედროს განლაგება „ძალზე ცოტაა“.

აშშ-ს თავდაცვის მდივნის ეშტონ კარტერის განცხადებით, მათი მიზანია ნატო გადავიდეს „სრული შეკავების პოზიციაზე“, რათა შეაჩეროს ნებისმიერი აგრესია, თუმცა კარტერმა სიფრთხილით დაამატა, რომ „ეს არ იქნება იმის მსგავსი, რაც ცივი ომის დროს იყო.“

წარსულში ამერიკის შეერთებულ შტატებს ევროპაში 300 000 სამხედრო ჰყავდა განლაგებული და ნატოს სურს თავიდან აიცილოს ნებისმიერი ამის მსგავსი მიდგომა, გამომდინარე მისი ფინანსური ღირებულებებიდან და აგრეთვე იქიდან, რომ არ მოახდინოს კრემლის შემდგომი ანტაგონიზმის გაღვივება.

ამერიკის შეერთებული შტატები 2017 წლისთვის 3.4 მილიარდი აშშ დოლარის გამოძებნას ცდილობს იმისათვის, რომ დააშოშმინოს ევროპის ინიციატივა, სამხედროების უფრო მეტი როტაცია მოახდინოს იქ და მიაწოდოს მეტი ტანკი და აღმოუჩინოს სხვა სამხედრო ხასიათის დახმარება.

როგორც აშშ-ს თავდაცვის მდივანმა, კარტერმა ბრიუსელში მის თანმხლებ ჟურნალისტებს განუცხადა, მნიშვნელოვანია ნატოს ყველა მოკავშირემ სამხედრო ბიუჯეტი გაზარდოს.

სტოლტენბერგმა განაცხადა, რომ მან ოთხშაბათს ნატოს სხვა მოკავშირეებიდან ახალი ვალდებულებები მიიღო, მაგრამ აღნიშნა, რომ დეტალებზე საუბარი ჯერ ძალზე ნაადრევია.