პრემიერ-მინისტრ ირაკლი ღარიბაშვილის განცხადებით, მიმდინარე წელს ეკონომიკური ზრდა მინიმუმ 5% იქნება. ამის შესახებ მთავრობის მეთაურმა პრესკონფერენციაზე განაცხადა.

"ეკონომიკური ზრდა ნოემბერში იყო 8%, დეკემბერში 8,4%, ხოლო მეოთხე კვარტალში საშუალო ეკონომიკურმა ზრდამ შეადგინა 6,9 % და ზრდის ტენდენცია გრძელდება. მიმდინარე წელს დაგეგმილი გვაქვს, რომ წელს ეკონომიკური ზრდა იყოს მინიმუმ 5% და ველოდებით, რომ ეს ზრდა იქნება 6,3%, როგორც არის პროგნოზირებული იგივე მსოფლიო ბანკის მიერ" - აცხადებს პრემიერი.

ირაკლი ღარიბაშვილის თქმით, ასევე, მნიშვნელოვნად გაიზარდა ექსპორტი.

"საქართველოდან ექსპორტი ევროკავშირში არის 72%-ით გაზრდილი და ეს არის ძალიან მნიშვნელოვანი მაჩვენებელი, ეს არის რეკორდული მაჩვენებელი, რომელიც მანამდე არ დაფიქსირებულა, ჩვენ გვაქვს ძალიან სერიოზული ზრდა ექსპორტისა რუსეთის ბაზარზე, უცხოურმა ინვესტიციებმა შეადგინა 914 მილიონი აშშ დოლარი" - აცხადებს პრემიერი.