"თავისუფალი დემოკრატების" ლიდერმა ირაკლი ალასანიამ ე.წ. კაბელების საქმის შესახებ კომენტირებისას განაცხადა, რომ ქართული მართლმსაჯულება ბიძინა ივანიშვილის დაკვეთით იმართება. ალასანია არ გამორიცხავს, რომ ბიძინა ივანიშვილის "არაფორმალური მმართველობის" წინააღმდეგ ბრძოლა "ფიზიკურადაც" წამოიწყოს. აღნიშნული განცხადება მან "ტვ პირველის" ეთერში "ინგა გრიგოლიას დღის ამბებში" პირდაპირი ჩართვისას გააკეთა. ალასანიამ აღნიშნა, რომ თავის თანამებრძოლებთან ერთად "ამ ქვეყანას ბიძინა ივანიშვილს არ დავუთმობთ".
"რასაც ბიძინა ივანიშვილი იტყვის და უკვეთავს, იგივეს იძახიან საქართველოს მოსამართლეები. ეს იქნება, მე კიდევ ერთხელ ვიტყვი, ეს იქნება რეალურად საბოლოო წვეთი იმაში, რომ მოვლენები გადავიდეს ახალ ფაზაში. მე მართლაც მოვუწოდებ საზოგადოების დიდ ნაწილს, რომ უკვე პირდაპირ დავიწყოთ ბრძოლა ბიძინა ივანიშვილის არაფორმალური მმართველობის წინააღმდეგ, ფიზიკურადაც. მე დავიწყებ ხალხის მობილიზებას და ჩემი მხარდამჭერების მობილიზებას ქუჩის საპროტესტო აქციებში იმიტომ, რომ ეს იქნება ბოლო წვეთი მოთმინების, რომელიც ჩვენ ყველას - დამოუკიდებლობის, თავისუფლების მოყვარე ხალხს საქართველოში დაეცემა, ასე ვთქვათ, ბოლო წვეთად და ჩვენ შევცვლით რეალურად ამ ხელისუფლებას, როგორც ბიძინა ივანიშვილის დანამატს. ეს გამოაჩენს კიდევ ერთხელ იმას, რომ აბსოლუტურად არანაირი მნიშვნელობა არ აქვს, ვინ მოვა პრემიერ მინისტრად, ვინ მოვა ხელისუფლებაში, მთავრობაში – გამოაჩენს იმას, რომ ბიძინა ივანიშვილი ერთპიროვნულად მართავს ჩვენს ქვეყანას. მე, ირაკლი ალასანია, ჩემი პარტია, თანამებრძოლები და მხარდამჭერები ამ ქვეყანას ბიძინა ივანიშვილს არ დავუთმობთ. ეს არ არის მისი საკუთარი ფირმა, ეს არის ქვეყანა, რომელიც არის ყველა ჩვენგანის და ბიძინა ივანიშვილის ადგილი პოლიტიკაში რომ არ არის, ქართულმა საზოგადოებამ გამოკითხვებშიც დაადასტურა", განაცხადა ირაკლი ალასანიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.