ახალქალაქის მუნიციპალიტეტის ადმინისტრაციულ ერთეულებში სპორტული და ბავშვთა გასართობი სივრცეების მოწყობა გრძელდება.
ახალქალაქში, აღმაშენებლის ქუჩაზე ახალი სკვერის მშენებლობა მიმდინარეობს. სამუშაოები საბავშვო ატრაქციონების დადგმას, რკინა-ბეტონის კონსტრუქციების მოწყობას, სპორტული ინვენტარით აღჭურვას, ხელოვნური საფარის დაგებასა და განათების მონტაჟს ითვალისწინებს.
ინფრასტრუქტურული პროექტი ადგილობრივი ბიუჯეტიდან ფინანსდება და მისი ღირებულება 170 999 ლარს შეადგენს. სამუშაოს ინდ. მეწარმე სერგეი ჩოლახიანი ასრულებს.
ახალქალაქის მუნიციპალიტეტის მერი მელქონ მაკარიანი, მოადგილე თეიმურაზ მჭედლიძესთან ერთად, ადგილობრივ ახალგაზრდებს შეხვდა და მათ სურვილებსა და საჭიროებებს გაეცნო. თვითმმართველობის პირველ პირებს, აღნიშნული ინიციატივისთვის ახალგაზრდებმა მადლობა გადაუხადეს და წარმატებული საქმიანობა უსურვეს.
ინფორმაციას ახალქალაქის მუნიციპალიტეტის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.