GUARDIAN.GE - ამერიკის შეერთებული შტატების ყოფილმა პრეზიდენტმა, დონალდ ტრამპმა განაცხადა, რომ ფლორიდაში, თავის მარ-ა-ლაგოს საცხოვრებელ სახლში ფედერალურმა საგამოძიებო სამსახურმა (FBI) „რეიდი“ ჩაატარა. ტრამპის მიერ გავრცელებულ განცხადებაში აღნიშნულია, რომ მარ-ა-ლაგო „ფედერალური საგამოძიებო ბიუროს აგენტების დიდ ჯგუფს ჰქონდა დაკავებული“.
როგორც ამერიკის შეერთებული შტატების მედია იტყობინება, ჩხრეკა დაკავშირებულია დოკუმენტებთან, რომელიც პრეზიდენტს თეთრი სახლის დატოვებისას შესაძლოა მარ-ა-ლაგოში წაეღო. ტრამპის ადვოკატმა, ქრისტინა ბობმა NBC-ის ახალ ამბებს უთხრა, რომ საგამოძიებო სამსახურმა ჩხრეკისას ზოგიერთი დოკუმენტი დალუქა და წაიღო.
ტრამპი, რომელიც 2024 წლის საპრეზიდენტო არჩევნებისთვის ემზადება, თავის განცხადებას ასე იწყებს: „ეს არის ბნელი დრო ჩვენი ქვეყნისთვის“. იგი ამბობს, რომ თანამშრომლობდა ყველა სათანადო სამთავრობო სააგენტოსთან და „ჩემს სახლზე გამოუცხადებელი რეიდი არ იყო საჭირო და სათანადო“. მან მომხდარს „პროკურატურის გადაცდომა“ და „იუსტიციის სისტემის შეიარაღება“ უწოდა, რაც ტრამპის შეფასებით, საპრეზიდენტო არჩევნებში მისი ხელახალი კენჭისყრისთვის ხელის შეშლას უკავშირდება.
„ასეთ თავდასხმას შესაძლოა მხოლოდ ჩამოშლილ, მესამე მსოფლიოს ქვეყნებში ჰქონდეს ადგილი. სამწუხაროდ, ამერიკა ახლა გახდა ერთ-ერთი ამ ქვეყნებიდან - იმ დონის კორუმპირებული, როგორიც მანამდე არასდროს გვიხილავს“, - აღნიშნავს ტრამპი.
CBS-ის ახალი ამბების ცნობით, ყოფილი პრეზიდენტი ორშაბათს, მის მარ-ა-ლაგოს სახლში განხორციელებული ჩხრეკის დროს ნიუ იორკში, „ტრამპ თაუერ“-ში იმყოფებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.