ტვინის სკანირებით ალცჰეიმერის დაავადების ადრეული სტადიის მიგნება ხერხდება.
ტვინის სკანირებამ შესაძლოა ალცჰეიმერის დაავადების (მეხსიერების დაკარგვა) ადრეული სიმპტომები მის განვითარებამდე რამდენიმე წლით ადრე გამოავლინოს. გამოკვლევის მიხედვით, ამ დაავადების პოტენციურ მატარებლებს ათი წლით ადრე უპატარავდებათ ტვინი, რაც იმის ერთ-ერთი ნიშანი შეიძლება იყოს რომ მომავალში ასეთ პაციენტებს ალცჰეიმერის დაავადება განუვითარდეთ.
დიდ ბრიტანეთში ალცჰეიმერის დაავადების გამოკვლევის ჯგუფმა განაცხადა, რომ არსებობს საკმაოდ მძლავრი სამხილი იმისა, რომ აღნიშნული დაავადება განვითარებას ადამიანის ცხოვრების შუა პერიოდში იწყებს.
ერთ მშვენიერ დღესაც დიაგნოზის ადრეული დასმა შესაძლოა ეფექტური გზა აღმოჩნდეს დაავადების სამკურნალოდ.
ამერიკის შეერთებული შტატების მასაჩუსეტის საავადმყოფოსა და ერთ-ერთი უნივერსიტეტის სამედიცინო ცენტრის მიერ ჩატარებულ გამოკვლევაში ტვინის ნორმალური ფუნქციონირების მქონე 65 პაციენტმა მიიღო მონაწილეობა.
კვლევების მიხედვით, იმ პაციენტების 20%-ს რომელთაც საშუალო სისქის ტვინი აქვთ ალცჰეიმერის დაავადება უვითარდება. მიუხედავად ამისა, უფრო დიდი სისქის ტვინის მქონეებს არ უვითარდებათ ეს დაავადება, მაშინ როცა უფრო თხელი ტვინის მქონეებისათვის ამ სენის შეყრის ალბათობა 55%-ია.
ადრეული დიაგნოზი
დიდ ბრიტანეთში 65 წელს გადაცილებული 14 ადამიანიდან ერთს ალცჰეიმერის დაავადება აქვს. გამოკვლევა აჩვენებს, რომ რამდენიმე წელი მაინცაა საჭირო დაავადების შესამჩნევი სიმპტომების წარმოსაშობად. ეს ნიშნავს იმას, რომ ადრეული მკურნალობა შესაძლოა საშუალო ასაკში უნდა დაიწყოს, რადგან ადრეული დიაგნოზი ძალზე მნიშვნელოვანია.
დიდი ბრიტანეთის ალცჰეიმერის კვლევის ჯგუფის აღმასრულებელმა დირექტორმა, რებეკა ვუდმა განაცხადა, რომ "მიუხედავად იმისა, რომ ალცჰეიმერის დაავადებამდე წლებით ადრე იქნება შესაძლებელი სიმპტომების მიგნება, ეს მაინც მცირე გამოკვლევაა და საჭიროა მისი გაფართოება იმ დონემდე, სანამ ჩვენ არ შეგვეძლება ალცჰეიმერის დაავადების ზუსტად წინასწარმეტყველება."
მცირე რამ ალცჰეიმერის შესახებ:
ალცჰეიმერი არის განუკურნებელი დაავადება, რომელიც მეხსიერების დაკარგვას იწვევს. იგი პირველად 1906 წელს გერმანელმა ფსიქიატრმა და ნევროპათოლოგმა ალოის ალცჰეიმერმა აღწერა, რის გამოც აღნიშნულ დაავადებას მისი სახელი დაერქვა. იგი ძირითადად ადამიანებს 65 წლის ასაკის ზემოთ ემართებათ, თუმცა ნაკლებად, მაგრამ მაინც გაცილებით უფრო ადრეულ ასაკშიც იჩენს თავს. 2006 წლის მონაცემებით, მსოფლიოში ალცჰეიმერიით 26 მილიონზე მეტი ადამიანი იყო დაავადებული. როგორც ვარაუდობენ, 2050 წლისათვის დედამიწაზე ყოველი 85 ადამიანიდან ერთი ამ სენით იქნება დაავადებული.
მიუხედავად იმისა, რომ ალცჰეიმერის მიზეზი თითოეული ადამიანისათვის უნიკალურია, დაავადების საერთო სიმპტომები მაინც ბევრია. ხშირად შეცდომით ხდება ადრეული სიმპტომების ასაკისა ან სტრესის გამომჟღავნებისთვის მიწერა. ადრეულ ეტაპზე გამოვლენილი ყველაზე ნაცნობი სიმპტომი ახალი მოგონებების ვერდამახსოვრებაა. მაგალითად, როცა ჭირს ბოლოს მომხდარი ფაქტების გახსენება. დაავადების განვითარებასთან ერთად, სიმპტომები მოიცავს დაბნეულობას, გაღიზიანებასა და აგრესიას, ხასიათის მკვეთრ ცვალებადობას, მეტყველების შეფერხებას და გრძელვადიან პერსპექტივაში მეხსიერების დაკარგვას. ამ დაავადების რაიმე ეფექტური წამალი ჯერ არაა გამოგონებული.
ეს დაავადება გენეტიკური არ არის, თუმცა მეცნიერები ფიქრობენ, რომ შესაძლოა რისკ-ფაქტორებში მცირე წვლილი გენებსაც ჰქონდეთ.
ექიმები რისკ-ფაქტორების შესამცირებლად სიგარეტზე უარის თქმას, ჯანსაღი საკვების: ხორბლისა და სხვა მარცვლეული კულტურების, ბოსტნეულის, ზეთისხილის ზეთის, თევზეულობის, ხილის, წითელი ღვინის მიღებას გვირჩევენ.
ალცჰეიმერიით დაავადებულთა სიცოცხლის ხანგრძლივობა შემცირებულია. დიაგნოზის დასმიდან პაციენტი სავარაუდოდ 7 წლამდე ძლებს. მხოლოდ 3%-ზე ნაკლები თუ ძლებს 14 წელზე მეტ ხანს.
ალბათ აღნიშვნის ღრსია, რომ სიცოცხლის ბოლო წლებში ალცჰეიმერიით ამერიკის შეერთებული შტატების პრეზიდენტი რონალდ რეიგანიც იყო დაავადებული. ქუჩაში თავის მეუღლესთან მოსეირნე ექს-პრეზიდენტს, როცა ხალხი ღიმილით ესალმებოდა, იგი მეუღლეს გაკვირვებით ეკითხებოდა თუ საიდან იცნობდა ეს ხახლი მას.
მეხსიერების დაკარგვის გამო, რონალდ რეიგანს არ ახსოვდა რომ იგი სულ რაღაც რამდენიმე წლის წინათ ამერიკის შეერთებული შტატების პრეზიდენტი იყო.
მომზადებულია ბრიტანული პრესის მიხედვით
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.