„მოდით ვთქვათ, დღეს ბიძინა ივანიშვილი არის დამთავრებული. ჩვენ, ახლა ოპოზიციურმა პარტიებმა, საზოგადოებასთან ერთად უნდა მოვილაპარაკოთ ვადებზე - როდის გადმოაბარებს მართვის სადავეებს საზოგადოებას და ოპოზიციურ პარტიებს“, განაცხადა „ერთიანი ნაციონალური მოძრაობის“ პოლიტიკური საბჭოს თავმჯდომარემ, ნიკა მელიამ რუსთაველის გამზირზე აქციის დასრულების შემდეგ.
თბილისში, ხორავას ქუჩაზე მოკლული ერთ-ერთი არასრულწლოვნის მამამ, ზაზა სარალიძემ პარლამენტის შენობის წინ მიმდინარე აქციაზე, პროცესებში პოლიტიკური პარტიების ჩართვა მოითხოვა.
„ერთიანი ნაციონალური მოძრაობის" პოლიტიკური საბჭოს თავმჯდომარემ თბილისში, რუსთაველის გამზირზე, პარლამენტის შენობის წინ აქციაზე შეკრებილებს მას შემდეგ, რაც ზაზა სარალიძემ პოლიტიკურ პარტიებს პროცესებში ჩართვისკენ მოუწოდა, სიტყვით მიმართა და განაცხადა, რომ საზოგადოება სისტემის დანგრევას მოითხოვს, სისტემა კი ამ ქყვეყანაში ერთი ადამიანი - ბიძინა ივანიშვილია.
„პოლიტიკურ პარტიები, ხალხი, სტუდენტები, მოსწავლეები, გლეხი, ბერი, ყველა ერთად ვიბრძოლებთ და ყველა ერთად დავასრულებთ ამ ხელისუფლებას“, განაცხადა მალხაზ მაჩალიკაშვილმა რუსთაველის გამზირზე გაშლილ კარავში ოპოზიციური პოლიტიკური პარტიების ლიდერებთან შეხვედრის შემდეგ.
მთავრობის გადადგომას და ვადამდელი საპარლამენტო არჩევნების დანიშვნას მოითხოვს ქართული ოპოზიციური სპექტრი და უცვლელად ტოვებს ზაზა სარალიძის და ზვიად კუპრავას მიერ ბოლო დღეებში გაჟღერებულ მოთხოვნებს მას შემდეგ, რაც ზაზა სარალიძემ პოლიტიკურ პარტიებს გვერდში დგომისაკენ მოუწოდა და მის ამ მოწოდებას ოპერატიულად გამოეხმაურა ოპოზიცია.
ვადამდელი საპარლამენტო არჩევნების დანიშვნას მოითხოვს „ლეიბორისტული პარტიის“ თავმჯდომარე შალვა ნათელაშვილი. იგი ამბობს, რო ამის საერთაშორისო პრაქტიკა არსებობს. მისი თქმით, თვითდაშლა სხვადასხვა პერიოდში, გამოაცხადა ისრაელმა, ჩეხეთმა, ხოლო „უნგეთის კონსტიტუაციაში პირდაპირ არის თვითდაშლის მექანიზმი“ ჩაწერილი.
ზაზა სარალიძემ თანადგომისაკენ პოლიტიკურ პარტიებს მოუწოდა, რათა, მისი თქმით, „ერთად დავამხოთ ეს სისტემა“.
„ვერ იზეიმებს უსამართლობა, ძალიან მალე ეს დამფრთხალები გადადგებიან და ხელისუფლება იქნება სწორედ თქვენი“, ასე მიმართა პარტია „ლიბერალ დემოკრატების“ თავმჯდომარემ, მუხრან ბურჭულაძემ პარლამენტის შენობასთან, ზაზა სარალიძის სოლიდარობის აქციაზე შეკრებილებს.
პარლამენტის შენობასთან ზაზა სალარიძის მხარდამჭერი აქცია სახელწოდებით - „ნუ მომკლავ“ - განახლდა.
„ევროპული საქართველოს“ ლიდერმა დავით ბაქრაძემ განაცხადა, რომ „ქართული ოცნების“ დახურულ სხდომაზე მთავარი პროკურორის კანდიდატურას განიხილავენ, რაც დაუშვებელია და იგი ამ პოსტზე საზოგადოებას შალვა შავგულიძის კანდიდატურას სთავაზობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.