სოფლის მეურნეობის მინისტრი, ოთარ დანელია სახელმწიფო რწმუნებულ-გუბერნატორთან, აკაკი მაჭუტაძესთან ერთად, საგაზაფხულო სამუშაოების ხელშეწყობის პროექტის მომსახურებისთვის საჭირო ტექნიკის მდგომარეობის შესახებ ინფორმაციას შპს ,,მექანიზატორის“ ახალციხის მუნიციპალიტეტის სერვისცენტრში გაეცნო.
საქართველოს საავტომობილო გზების გარკვეულ მონაკვეთებზე შეზღუდვებია. კოდა-ფარცხისი-მანგლისი-წალკა-ნინოწმინდის საავტომობილო გზის საუღელტეხილო მონაკვეთზე მოძრაობა დილის 09:00 საათიდან საღამოს 19:00 საათამდე თავისუფალია, ხოლო გარკვეული სატრანსპორტო საშუალებებისთის საღამოს 19:00 საათიდან დილის 09:00 საათამდე მოძრაობა იკრძალება.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი შიდასახელმწიფოებრივი მნიშვნელობის ქუთაისი-გეგუთი-საყულია-ბაში-იანეთის საავტომობილო გზის 2,5-კილომეტრიანი მონაკვეთის რეაბილიტაციას ახორციელებს.
ქალაქ ზუგდიდის საკრებულოს სხდომაზე ჩხუბი მოხდა. “ნაციონალური მოძრაობის” საკრებულოს დეპუტატი, ბათლომე შელია და “ქართული ოცნების” წარმომადგენელი გოგა თოდუა, რომელიც, ამავე დროს, გამგებლის მოადგილეცაა, ერთმანეთს დაუპირისპირდნენ. დეპუტატებს შორის სიტყვიერი შეურაცხყოფა ფიზიკურ დაპირისპირებაში გადაიზარდა.
დღეს სიღნაღის მუნიციპალიტეტის სოფელ ნუკრიანში საქართველოს იუსტიციის მინისტრმა ახალი ტიპის საზოგადოებრივი ცენტრი და ბიბლიოთეკა გახსნა. წულუკიანმა ადგილობრივი თვითმმართველობის წარმომადგენლებს ინიციატივით მიმართა, რომ აღნიშნულ ბიბლიოთეკას მხატვარ დავით კრაწაშვილის სახელი მიენიჭოს.
მუნიციპალური განვითარების ფონდის ინფორმაციით, რუსთავის ავტომაგისტრალის პირველ და მესამე მონაკვეთებზე სამშენებლო სამუშაოები 2015 წლის შემოდგომაზე დასრულდება და ამ დროისათვის მოსახლეობა მაღალი ხარისხის კომფორტული გზით შეძლებს გადაადგილებას.
ინტენსიური თოვის გამო, თბილისი-სენაკი-ლესელიძის საავტომობილო გზის კმ135-კმ156 ( ჩუმათელეთი-ხუნევი) მონაკვეთსა და ქუთაისი-ტყიბული-ამბროლაურის საავტომობილო გზის კმ36-კმ72 (ნაქერალას უღელტეხილი) მონაკვეთზე შეზღუდვებია.
დაინტერესებული კომპანიები ანაკლიის მომავალი პორტის ადგილმდებარეობას ეცნობიან. ანაკლიას დღეს ამერიკული „კონტი ჯგუფისა“ და ქართული „თიბისი ჰოლდინგისგან“ დაკომპლექტებული „ანაკლიის განვითარების კონსორციუმის“ წარმომადგენლები სტუმრობდნენ.
სოფლები ერგნეთი, ზემო ხვითი, ზემო და ქვემო ნიქოზი, ოკუპირებული ტერიტორიების გამყოფ ხაზთან მდებარე სოფლების სახელმწიფო პროექტის ფარგლებში გაზიფიცირდა. საოუკუპაციო ხაზთან მდებარე სოფლების მოსახლეობასთან შეხვედრა დღეს ენერგეტიკის მინისტრმა, ვიცე პრემიერმა, კახა კალაძემ გამართა.
პოლიტიკური პარტია „გაერთიანებული დემოკრატიული მოძრაობის“ ახმეტის რაიონული ორგანიზაცია, მუნიციპალიტიეტის გამგეობის მიერ „ჯიპის“ ტიპის სამი ავტომობილს შესყიდვის ფაქტს აპროტესტებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.