სს „ქართული ლუდის კომპანია“ არაბეთის გაერთიანებულ საემიროებში გამართულ საკვები და სასმელი პროდუქციის საერთაშორისო გამოფენა Gulfood 2019-ზე წარდგა. დუბაიში 17-დან 21 თებერვლის ჩათვლით გამართულ გამოფენაზე „ქართული ლუდის კომპანია“ (ზედაზენი) წარმოდგენილი იყო ძირითადად არაალკოჰოლური სასმელებით: ლიმონათი, ნატურალური წვენები, ენერგეტიკული სასმელები, არსი კოლა.
„გერმანიის მთავრობამ გამოგვიყო გრანტი, რომელიც იძულებით გადაადგილებული პირების დახმარებას ითვალისწინებს და მთელი საქართველოს მასშტაბით 240 კერძო სახლი და ასევე 8 ახალი საბავშვო ბაღი აშენდება“, განაცხადა პრემიერ მინისტრმა მამუკა ბახტაძემ ბრიფინგზე.
პრემიერ მინისტრ მამუკა ბახტაძის განცხადებით, მიმდინარე წლის ზაფხულში აღმოსავლეთ პარტნიორობის 10-წლისთავი აღინიშნება, მანამდე კი, როგორც მთავრობის მეთაური ამბობს, ქვეყანას აქვს ძალიან მნიშვნელოვანი სამოქმედო გეგმა, რომელიც ევროკავშირის სტრუქტურებთან დაახლოების საკითხზე ინიციატივების გაჟღერებას გულისხმობს.
„მე დარწმუნებული ვარ, რომ ის იდეალები, რომელიც ჩვენ გვაერთიანებს, რისთვისაც მივიღეთ მხარდაჭერა 2012 წელს, ეს დემოკრატიული კონსოლიდაცია ძალიან წარმატებულად შესრულდება. მე ვფიქრობ, რომ პლურალიზმი არის ჩვენი მთავრობის მონაპოვარი“, განაცხადა პრემიერ მინისტრმა მამუკა ბახტაძემ ბრიფინგზე და აღნიშნა, რომ „ქართული ოცნების“ რიგებიდან დეპუტატების ერთი ნაწილის წასვლაში „ტრაგიკულს ვერაფერს ვერ ხედავს“.
საქართველოს ელჩი ბრაზილიის ფედერაციულ რესპუბლიკაში დავით სოლომონია ვენესუელის დროებით პრეზიდენტს, ხუან გუაიდოს შეხვდა.
შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის წყალტუბოს რაიონული სამმართველოს თანამშრომლებმა, ჩატარებული საგამოძიებო მოქმედებების შედეგად, ორი არასრულწლოვანი - 2001 წელს დაბადებული ვ. ყ. და 2001 წელს დაბადებული გ. კ. ჯგუფურად ჩადენილი ყაჩაღობის ბრალდებით, წყალტუბოში დააკავეს.
რუსეთის სახელმწიფო ტელევიზიამ შეერთებული შტატების იმ სამხედრო ობიექტების რუკა წარმოადგინა, რომელიც ბირთვული თავდასხმისას შესაძლოა მოსკოვის სამიზნე იყოს. რეპორტაჟში, რომელიც რუსული ტელევიზიის ჩვეულ აგრესიულ სტანდარტებსაც კი უჩვეულოდ აღემატებოდა, ნათქვამია, რომ რუსეთის განვითარების ქვეშ მყოფ ჰიპერბგერით რაკეტებს აშშ-ის ბირთვულ ობიექტებზე დარტყმის შესაძლებლობა 5 წუთზე ნაკლებ დროში ექნებათ.
ჩრდილოეთ კორეის ლიდერი კიმ ჩენ ინი შეერთებული შტატების პრეზიდენტთან, დონალდ ტრამპთან შესახვედრად ვიეტნამში ჩავიდა. კიმის მწვანე და ყვითელი მატარებელი დონგ დანგის სადგურზე გაჩერდა, საიდანაც იგი დედაქალაქ ჰანოისკენ ავტომანქანით გაემგზავრა.
საქართველოს პარლამენტი თბილისის მერიის ავტორობით მომზადებული კანონპროექტის განხილვას იწყებს, რომელიც ამტვერებადი მასალით ჰაერის დაბინძურების კონტროლს ეხება. როგორც დედაქალაქის მერის მოადგილე მაია ბითაძე აცხადებს, კანონპროექტი რამდენიმე მნიშვნელოვან საკითხს არეგულირებს.
თბილისის საქალაქო სასამართლოს გადაწყვეტილებით, მირზა სუბელიანი პატიმრობაში რჩება. სასამართლომ გაიზიარა პროკურატურის მოთხოვნა, რომელიც სუბელიანის პატიმრობაში დატოვებას ითვალისწინებდა. დაცვის მხარე მირზა სუბელიანის გირაოს სანაცვლოდ გათავისუფლებას ითხოვდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.