თბილისში, ვარკეთილში ცეცხლსასროლი იარაღიდან სროლის შედეგად 40 წლამდე მამაკაცი გარდაიცვალა, კიდევ ერთი მამაკაცი კი, დაიჭრა. დაჭრილი მამაკაცი სასწრაფო-სამედიცინო დახმარების ჯგუფმა კლინიკაში გადაიყვანა. ექიმები ამბობენ, რომ დაშავებულის მდგომარეობა სტაბილურია.
დღეიდან ქალაქ ქუთაისის შემოვლით საავტომობილო გზაზე სიჩქარის მზომი სექციური რადარები ამოქმედდა. ისინი აღნიშნული საავტომობილო გზის 31-კილომეტრიან მონაკვეთზე, 10 სექციად არის განლაგებული. ამავე მონაკვეთზე ასევე ამოქმედდა ნომრის ამომცნობი „ჭკვიანი“ კამერები, რომელთა საშუალებით გაკონტროლდება როგორც სიჩქარის გადაჭარბების, ასევე, სხვა ადმინისტრაციული სამართალდარღვევები.
კიდევ ერთი მძლავრი მიწისძვრა მოხდა ინდონეზიის კუნძულ ლომბოკზე. შეერთებული შტატების გეოლოგიური სამსახურის ცნობით, მიწისძვრის მაგნიტუდამ 5.9 შეადგინა. გავრცელებული ცნობებით, დანგრეულია შენობების ნაწილი.
ამერიკის შეერთებული შტატების ელჩის მოვალეობის შემსრულებელმა, ელიზაბეთ რუდმა განაცხადა, რომ შეერთებული შტატები მხარს უჭერს საქართველოს სუვერენიტეტს და ტერიტორიულ მთლიანობას, ასევე თავდაუზოგავად მუშაობს საქართველოსთან ერთად, რათა კონფლიქტი მოგვარდეს.
გენერალ სამსონ ქუთათელაძის მეუღლე მეგი სირბილაძე შსს-ს მადლობას უხდის ობიექტური გამოძიებისთვის და აცხადებს, რომ მკვლელი დაკავებული პირი იყო, ამის საფუძველი კი მას გააჩნდა, რადგან გარდაცვლილ გენერალს და დაკავებულ პირს ფინანსურ საკითხზე უთანხმოება ჰქონდათ და ეს იყო მკვლელობის მოტივი.
იუსტიციის მინისტრი თეა წულუკიანი აცხადებს, რომ რუსეთი ოკუპანტია და ომი საქართველოს წინააღმდეგ რუსეთმა დაიწყო. მისივე თქმით, ეს პოზიცია არის უცვლელი და არ აკეთებს კომენტარს განსხვავებულ პოზიციასთან დაკავშირებით.
რუსეთის სამხედრო აგრესიის 10 წლისთავთან დაკავშირებული ღონისძიებების ფარგლებში საქართველოს პრეზიდენტი სენაკში, საქართველოს თავდაცვის სამინისტროს მე-2 ქვეითი ბრიგადას ეწვია. შესრულდა სახელმწიფო ჰიმნი და სამხედრო მოსამსახურეებმა ქვეყნის უმაღლეს მთავარსარდალთან ერთად წუთიერი დუმილით პატივი მიაგეს რუსეთ-საქართველოს ომში დაღუპულ გმირებს.
ვანის მუნიციპალიტეტში დღეს, 8 აგვისტოს საქართველოს თავისუფლებისა და დამოუკიდებლობისთვის მებრძოლი ჯარისკაცების ხსოვნას პატივი მიაგეს.
ონის მუნიციპალიტეტის მერმა ემზარ საბანაძემ, საკრებულოს თავმჯდომარემ შუქურა ჯაფარიძემ მერიის და საკრებულოს წარმომადგენლებთან ერთად, ყვავილებით შეამკეს 2008 წლის აგვისტოს ომში გმირულად დაღუპული პოლიციის ლეიტენანტის გიგა სახელაშვილის მემორიალი და წუთიერი დუმილით პატივი მიაგეს მის ხსოვნას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.