ეროვნული უშიშროების საბჭოს სხდომა დღეს საქართველოს შეიარაღებული ძალების გენერალური შტაბის უფროსის თანამდებობიდან გადაყენებისა და ახალი უფროსის თანამდებობაზე დანიშვნის საკითხს განიხილავს.
საქართველოს პრეზიდენტის მოწვევით, დღეს ეროვნული უშიშროების საბჭოს სხდომა გაიმართება. სხდომა პრეზიდენტის რეზიდენციაში 17:00 საათზე დაიწყება.
ქუთაისის დავით აღმაშენებლის საერთაშორისო აეროპორტიდან, ძლიერი ქარის გამო, ბერლინის მიმართულებით რეისი გადაიდო.
უზენაესი სასამართლო დღეს "რუსთავი 2"-ის საქმის განხილვას იწყებს. ტელეკომპანიის ცნობით, კოლეგია "რუსთავი 2"-ის იურისტების სარჩელს განიხილავს, რომლის მიხედვითაც სამაუწყებლო კომპანია მოითხოვს, უზენაესმა სასამართლომ გააუქმოს სააპელაციოს გადაწყვეტილება, რომლის მიხედვითაც "რუსთავი 2" ქიბარ ხალვაშს მიეკუთვნა, ასევე საქმე განსახილველად ქვედა ინსტანციაში დააბრუნოს.
შეერთებული შტატების პრეზიდენტმა ბარაქ ობამამ განაცხადა, რომ თეთრი სახლის დატოვების შემდეგ მან შესაძლოა საჯაროდ და გულღიად ისაუბროს თუკი ის იგრძნობს, რომ მისი შემცვლელი დონალდ ტრამპი ამერიკულ ღირებულებებს საფრთხეს შეუქმნის.
შსს-ს სამცხე-ჯავახეთის პოლიციის დეპარტამენტში რეგიონის შვიდმა მცხოვრებმა დიდი ოდენობით სხვადასხვა ტიპის ცეცხლსასროლი იარაღი და საბრძოლო მასალა ნებაყოფლობით ჩააბარა.
შეერთებული შტატების პრეზიდენტმა, ბარაქ ობამამ და მისმა რუსმა კოლეგამ, ვლადიმერ პუტინმა პერუს დედაქალაქ ლიმაში, აზია-წყნარი ოკეანის სამიტის ფარგლებში გამართულ დაახლოებით 4-წუთიან შეხვედრაზე, რომელიც მოსალოდნელია, რომ მათი საბოლოო შეხვედრა იქნება, სანამ ობამა თეთრ სახლს დატოვებს, სირიის და უკრაინის შესახებ ისაუბრეს.
საფრანგეთის ყოფილი პრეზიდენტი ნიკოლას სარკოზი მემარჯვენე-ცენტრისტული რესპუბლიკური პარტიის საპრეზიდენტო კანდიდატის შერჩევის პრაიმერიდან გამოვარდა.
საბავშვო "ევროვიზია 2016"-ის გამარჯვებული 10 წლის ქართველი გოგონა, მარიამ მამადაშვილი გახდა. საქართველოს წარმომადგენელმა ფინალში 239 ქულა დააგროვა, 7 ქულით გაუსწრო კონკურსში სომხეთიდან მონაწილეს და პირველი ადგილი დაიკავა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.