ყირგიზეთის ყოფილი პრეზიდენტი ალმაზბეკ ატამბაევი პირველი მაისის სასამართლოს მოსამართლის, ადილბეგ სუბანკულოვის გადაწყვეტილებით, ეროვნული უსაფრთხოების სახელმწიფო კომიტეტის წინასწარი დაკავების იზოლატორში მოათავსეს. იგი იქ 26 აგვისტომდე დაჰყოფს. ინფორმაციას ახალი ამბების სააგენტო „რია ნოვოსტი“ ატამბაევის ადვოკატ სერგეი სლასარევზე დაყრდნობით ავრცელებს.
ელ პასოში მასობრივი სროლებისას დაჭრილმა ყველა პაციენტმა, რომლებიც ადგილობრივ საავადმყოფოში გადიან მკურნალობის კურსს, უარი განაცხადა ქალაქში ვიზიტად ჩასულ აშშ-ის პრეზიდენტთან, დონალდ ტრამპთან შეხვედრაზე, იტყობინება „The Independent“-ი სამედიცინო დაწესებულების წარმომადგენელზე დაყრდნობით.
თურქეთში 6 მაგნიტუდის სიმძლავრის მიწისძვრა მოხდა. სტიქიის შედეგად რამდენიმე ადამიანი დაშავდა. სტიქიის ეპიცენტრი დენზლის პროვინციაში მდებარე ქალაქი ბოსქურთი იყო.
საბრძოლო მოქმდებებში დაღუპული ქართველი სამხედროების ხსოვნის პატივის მისაგებად მუხათგვერდის ძმათა სასაფლაოზე საქართველოს თავდაცვის მინისტრი ლევან იზორია და საქართველოს თავდაცვის ძალების მეთაური, გენერალ-ლეიტენანტი ვლადიმერ ჩაჩიბაია პრემიერ-მინისტრ მამუკა ბახტაძესთან, პრეზიდენტ სალომე ზურაბიშვილთან და მინისტრთა კაბინეტის სხვა წევრებთან ერთად მივიდნენ. მათ გმირთა მემორიალი გვირგვინით შეამკეს და საქართველოს ტერიტორიული მთლიანობისთვის დაღუპულ მებრძოლებს წუთიერი დუმილით მიაგეს პატივი.
საქართველო-რუსეთის ომის მე-11 წლისთავთან დაკავშირებით, ქალაქ ახალციხეში, საქართველოს თავდაცვის ძალების I ქვეითი ბრიგადის მე-13 ბატალიონის ბაზაზე საქართველოს ტერიტორიული მთლიანობისთვის დაღუპულ მებრძოლთა მემორიალი მრავალეროვნული სწავლების Agile Spirit 2019-ის ხელმძღვანელმა, ბრიგადის გენერალმა გიორგი მათიაშვილმა გვირგვინით შეამკო და საერთაშორისო სწავლებაში მონაწილე პირად შემადგენლობასთან ერთად დაღუპულ გმირებს პატივი მიაგო.
ექსპრეზიდენტის დასაკავებლად მის სახლში სპეცრაზმი მივიდა, სახლთან მისი მხარდამჭერები შეიკრიბნენ და სპეცრაზმს ქვები დაუშინეს, საპასუხოდ კი მხარდამჭერებს სპეცრაზმი რეზინის ტყვიებით გაუსწორდა. დაშავებულია რამდენიმე ადამიანი.
2008 წლის აგვისტოს ომში და სამშიდობო მისიებში დაჭრილ-დაშავებული სამხედრო მოსამსახურეები ფიზიკურ და ფსიქოლოგიურ რეაბილიტაციას წეროვანის ახალ სარეაბილიტაციო ცენტრში გაივლიან. ახალი ცენტრი, რომლის მშენებლობაც სამ თვეში დასრულდება, საქართველოს თავდაცვის მინისტრმა ლევან იზორიამ და აშშ-ის ელჩის მოვალეობის შემსრულებელმა ელიზაბედ რუდმა დაათვალიერეს.
ქაბულში მომხდარი ტერაქტის შედეგად 14 ადამიანი დაიღუპა. BBC-ის ინფორმაციით, პოლიციის სადგურთან დანაღმული ავტომობილი აფეთქდა.
პაკისტანის პრემიერ მინისტრმა იმრან ხანმა კონსტიტუციით გათვალისწინებული სპეციალური სტატუსის გაუქმება საერთაშორისო სამართლის უხეშ დარღვევად შეაფასა.
პრემიერ მინისტრს ინდოეთისგან ეთნიკური წმენდის საფრთხე აშინებს.
აშშ-ის ჯორჯიის შტატის ეროვნული გვარდიის გენერალ-ადიუტანტი, გენერალ-მაიორი ტომას კარდენი თავდაცვის სამინისტროს „არმიჰოლში“ საქართველოს თავდაცვის ძალების წარმომადგენლებს შეხვდა და თემაზე „ამოცანით მართვა“ ლექცია წაუკითხა. ამერიკელმა გენერალმა ყურადღება ამოცანით მართვის მნიშვნელობაზე გაამახვილა და ქართველ სამხედრო მოსამსახურეებს ამოცანით მართვის პრინციპები, სპეციფიკა, ამ პროცესთან დაკავშირებული რისკები და მართვის დროს მეთაურებისთვის საჭირო უნარ-ჩვევები გააცნო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.