იტალიის პრეზიდენტმა სერჟიო მატარელამ, მას შემდეგ რაც გასული კვირის რეფერენდუმის შედეგებიდან გამომდინარე მატეო რენციმ თანამდებობა დატოვა, ქვეყნის საგარეო საქმეთა მინისტრი პაოლო ჯენტილონი პრემიერ მინისტრად დანიშნა და სთხოვა მას მოახდინოს მთავრობის ფორმირება.
62 წლის ჯენტილონი ლოიალისტია რენცის „დემოკრატიული პარტიიდან“.
როგორც BBC წერს, პრემიერ მინისტრობაზე თანხმობის შემდეგ მოკლე განცხადების გაკეთებისას ჯენტილონიმ თქვა, რომ მას გაცნობიერებული აქვს ახალი მთავრობის სასწრაფოდ ჩამოყალიბების მნიშვნელობა, რათა ქვეყნაში სიმშვიდის შენარჩუნებისკენ გადაიდგას ნაბიჯები.
მან განაცხადა, რომ იმუშავებს წინა ადმინისტრაციის სტრუქტურის მიხედვით, რაც მოსალოდნელს ხდის, რომ იგი ძველი კაბინეტის რამდენიმე მინისტრს ხელმეორედ დანიშნავს.
იტალიის ახალი პრემიერ მინისტრი არისტოკრატიულ ოჯახში დაიბადა და დიდგვაროვნის ტიტული აქვს. იგი ადრე ჟურნალისტად მუშაობდა გარემოს დაცვასთან დაკავშირებულ ჟურნალში. 2001 წელს პარლამენტში აირჩიეს, 2006-2008 წლებში კომუნიკაციის მინისტრად მსახურობდა, 2014 წელს კი საგარეო საქმეთა მინისტრად დაინიშნა და დღემდე აღნიშნულ თანამდებობაზე მუშაობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.