სტამბულში თურქული ოპოზიციური გაზეთის კაფეტერიის მმართველი დააპატიმრეს მას შემდეგ, რაც მან განაცხადა, რომ იგი უარს იტყოდა მომსახურებოდა ფინჯანი ჩაით პრეზიდენტ რეჯეფ თაიფ ერდოღანს.
როგორც ბრიტანული სამაუწყებლო კორპორაცია (BBC) იტყობინება, სენოლ ბურანი, „ჩუმჰურიეტის“ კაფეტერიის ხელმძღვანელი, თურქეთის პრეზიდენტის შეურაცხყოფისთვის ციხეში გაუშვეს.
თურქეთის სამხედრო გადატრიალების მცდელობის შემდეგ, „ჩუმჰურიეტის“ თანამშრომლები ათიათასობით დაპატიმრებულთა, უფლებამოსილება შეჩერებულთა თუ სამსახურებიდან გაგდებულთა რიცხვში აღმოჩნდნენ.
გაზეთი იმ მცირერიცხოვან გამოცემათაგანია, რომელიც ანტი-ერდოღანის ხაზს მიჰყვება.
ბურანი 24 დეკემბერს თავის სამუშაოზე იმყოფებოდა, როდესაც მან აღმოაჩინა რომ ერდოღანის სიტყვით გამოსვლის გამო, უსაფრთხოების მიზნით გზები გადაკეტილი იყო.
ბურანმა პოლიციის ოფიცრებს უთხრა: „მე არ მოვემსახურებოდი ფინჯანი ჩაით ამ კაცს“.
სტამბულის სისხლის სამართლის საქმეთა სასამართლოს მოსამართლემ ბურანს ციხეში გაგზავნის განაჩენი გამოუტანა.
გასულ თვეს გაზეთის 10 თანამშრომელი დააპატიმრეს ქურთი მებრძოლების და შეერთებულ შტატებში ბაზირებული სასულიერო პირის, ფეთჰულაჰ გიულენის მხარდაჭერის ბრალდებით.
ანკარა გიულენს 15 ივლისის წარუმატებელი სამხედრო გადატრიალების უკან მოიაზრებს, რასაც პენსილვანიაში მცხოვრები, ერთ დროს ერდოღანის ახლო მოკავშირე სასულიერო პირი კატეგორიულად უარყოფს.
პრეზიდენტის შეურაცხყოფისთვის პირს თურქეთში შესაძლოა 4-წლიანი პატიმრობა მიესაჯოს.
გაზეთის ყოფილი მთავარი რედაქტორი ჩან დუნდარი, რომელსაც დაპატიმრება ემუქრებოდა, გერმანიაშია გაქცეული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.