საქართველოს კულტურული მემკვიდრეობის დაცვის ეროვნული სააგენტო კუნძულ კვიპროსზე აღმოჩენილ ქართულ ძეგლებზე კვლევა-ძიების, არქეოლოგიისა და საკონსერვაციო სამუშაოებს აგრძელებს.
ეროვნული სააგენტოს საზოგადოებასთან ურთიერთობის სამსახურის ცნობით, 29 აპრილს, სააგენტოს ინიციატივითა და საქართველოს ისტორიულ ძეგლთა დაცვისა და გადარჩენის ფონდის ფინანსური მხარდაჭერით, კვიპროსის რესპუბლიკაში, ქალაქ ლარნაკასთან ახლოს, სოფელ ალამინოსში, არქეოლოგიური გათხრების II ეტაპი დაიწყო, რომელსაც ისტორიის მეცნიერებათა დოქტორი, პროფესორი ვახტანგ ლიჩელი ხელმძღვანელობს.
ექსპედიციის ფარგლებში, ალამინოს მონასტრის არქეოლოგიური შესწავლა და ძეგლის კონსერვაცია იგეგმება.
„6 მაისს ექსპედიციას ვიზიტად ესტუმრება საქართველოს კულტურული მემკვიდრეობის დაცვის ეროვნული სააგენტოს დელეგაცია პაატა გაფრინდაშვილის ხელმძღვანელობით.
მასალის გამოსაქვეყნებლად, ფოტოების მოწოდებისთვის მადლობას ვუხდით დეკანოზ ზაქარია ფერაძეს", აღნიშნულია სააგენტოს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.